Apoc 7 - Chuj San Sebastian Bible

A eb' israel xlaj 'och seyo 'a 'a

¹ Xlajw cha, xwilni, 'ay chan̈wn̈ ángel. Lin̈n 'ec' junjn eb' 'a junjn yisquinyoal yolyib'n̈q'uinal. Ax chan̈e 'ic', macb'il 'och wan yuj eb'. Yuj cha, man̈x 'a jac 'ic' x'ec' 'a sat lu'um, yet' 'a yib'n̈ a mar. Toxn man̈x 'a junc te te x'ib'x xon jab'oc.

² Xwiln paxi, 'ay junx ángel xcot 'a stojlal 'aj tzq'uel c'u. 'Ay jun seyo yet'i, atn jun yic Dios pitzan. Caw 'ip 'ix 'awj 'a chan̈wn̈ eb' ángel cha. Atn eb' chan̈wn̈ chi 'ac'b'il spoder yixtn tas 'ay 'a sat lu'um, yet' tas 'ay 'a a mar, 'ix yaln 'a eb' 'ixtic:

³ —Mant eyixtc tastc 'ay 'a sat lu'um, yet' tastc 'ay 'a a mar, yet' te te', masnto 'oj ca'c 'och seyo 'a snan̈l sat junjn eb' ya'mal servil qui Diosalec, xchi 'a eb'.

⁴ Ax xwab'n sb'isl eb' xlaj 'och seyo 'a 'a, 'ay 144 mil sb'isl eb'. A eb' cha, wit israelal eb'. 'Ay eb' 'a junjn macn̈ 'in̈tal.

^5-8 Lajchwe mil eb' 'a junjn 'in̈tal 'aj x'och seyo cha: Atn eb' yic Judá, eb' yic Rubén, eb' yic Gad, eb' yic Aser, eb' yic Neftalí, eb' yic Manasés, eb' yic Simeón, eb' yic Leví, eb' yic Isacar, eb' yic Zabulón, eb' yic José, yet' pax eb' yic Benjamín.

Til wal eb' 'anma sac spichul

⁹ Xlajw cha, xwilni. Caw niwn 'anma 'ayc' 'a yojltac jun despacho cha, yet' 'a yojltac jun tzcuch Calnelu. A eb' cha, 'ay eb' 'a junjn nacion̈, 'a junjn 'in̈tal, 'a junjn ti'al, yet' 'a junjn chon̈b'al. Man̈x yalnb'ilc jantc sb'isl eb'. Caw sac spichl junjn eb'. Yamb'il xil te q'uib' yuj junjn eb'.

¹⁰ 'Ix 'awj chan̈ eb' smasnil, 'ix yaln eb' 'ixtic: A qui Diosalec, wocn 'ejm 'a sdespacho, a x'a'n qui colnb'ilec. An̈jtona', yet' jun tzcuch Calnelu, locn x'a'n pax qui colnb'ilec, xchi eb'.

¹¹ Ax eb' ángel smasnil, lin̈n chan̈ eb'. Oyn 'och eb' 'a jun despacho cha, yet' 'a eb' 'ichmtac winac, yet' 'a chan̈wn̈ eb' querubín. 'Ix 'em n̈ojn eb' 'a sat lum 'a yojltac jun despacho cha. 'Ix yaln sb'a eb' 'a Dios.

¹² Xyaln eb' 'ixtic: B'o cab' 'ixta'. Alx cab' wach' paxti 'a Dios 'a smasnil tiempo. Alx cab'i', chajtlto caw niwn swach'il, yet' sjelnal. Alx cab' yuj diosal 'a 'a. Caw niwn yel'chi, niwn spoder, niwn pax yip. B'o cab' 'ixta', xchi eb'.

¹³ Xlajw cha, 'ay jun 'a eb' 'ichm winc chi 'ix aln 'ixtc 'ayin: ¿Mach eb' sac spichl tic tza na'a? ¿'Ajtil xcot eb' tza na'a? xchi 'ayin.

¹⁴ —Ach ojtac. Aln tic man̈ wojcoc, xin chi 'a 'a. Yuj cha, 'ix yaln pax 'ixtc 'ayin: —Atn eb' tic 'e'nc 'a jun niwquil yailal. 'Ix 'ijx 'el smul eb' yuj schic'l jun tzcuch Calnelu. 'Icha to 'ix sju'l eb' spichul, caw sac x'aj yuj schic'l cha.

¹⁵ Yuj cha, 'ayc' eb' 'a yojltac sdespacho Dios 'a yatut. Sc'ual yac'wlil ya'w servil eb'. Ax jun wocn 'ejm 'a sdespacho cha, a tztan̈wni eb', yujto 'ayc'n̈ej yet' eb'.

¹⁶ Man̈x 'oj yac' eb' wejel, mto tacn̈ti'al. Man̈x 'oj tz'a eb' yuj yoc c'u. Man̈x 'a c'ac' 'oj yab' eb'.

¹⁷ Yujto a jun tzcuch Calnelu, atn jun 'ayc' 'a spacl snan̈l jun despacho, a tz'iln eb' 'icha junc 'ilm calnelu. A tz'i'n 'at eb' 'a jun a a yic q'uinl 'ayc' 'a jun 'ejmn̈ej. Ax Dios, man̈x 'oj chanc 'oc' eb', xchi 'ayin.