1 Cr 3 - Chuj San Sebastian Bible

Eb' yunnal David

^1-3 A eb' yunnal David 'aljnac 'a Hebrón atn stzol-l eb' tic: Amnón yune 'ix Ahinoam 'aj Jezreel, Daniel yune 'ix Abigail 'aj Carmel, Absalón yune 'ix Maaca, atn 'ix yisl Talmai, sreyl chon̈b' Gesur, Adonías yune 'ix Haguit, Sefatías yune 'ix Abital, Itream yune 'ix Egla, atn junx 'ix yistzil David cha.

⁴ A 'a chon̈b' Hebrón 'ix yac' David reyl uque ab'il yet' waque xo 'uj. Ata x'alj wacwn̈ eb' yunnal tic. Xlajw cha, 'ix ya'n pax reyl 33 ab'il 'a Jerusalén.

⁵ 'Ay chan̈wn̈ xo yunnal 'aljnac 'a Jerusalén tic yet' 'ix Betsabé yisl win Amiel: atn Simea, Sobad, Natán, yet' win Salomón.

⁶ 'Ayt b'aln̈wan̈ xo pax yunnal David tic: atn Ibhar, Elisama, Elifelet,

⁷ Noga, Nefeg, Jafía,

⁸ Elisama, Eliada yet' Elifelet.

⁹ A smasnil jun tzo'n̈ eb' tic, yunnaln̈ej David eb', yanb' pax eb' 'ix Tamar, chuc pax yaj jun tzo'n̈ xo eb' yunnal yet' jun tzo'n̈ xo eb' 'ix schab'l 'istzil.

Eb' yin̈tl Salomón

^10-14 A eb' yin̈tl Salomón 'a stzolil: atn Roboam, Abías, Asa, Josafat, Joram, Ocozías, Joás, Amasías, Azarías, Jotam, Acaz, Ezequías, Manasés, Amón yet' Josías.

¹⁵ A eb' yunnal Josías atn stzol-l eb' tic: Johanán, Joacim, Sedequías, yet' Salum.

¹⁶ Ax eb' yunnal Joacim: atn Jeconías yet' Sedequías.

Eb' yin̈tl Jeconías

^17-18 A eb' yunnal Jeconías, win 'ijxnac 'at 'a 'icha presoal, a sb'ab'l 'unnal, atn Salatiel. Xlajw cha x'alj Malquiram, Pedaías, Senazar, Jecamías, Hosama yet' Nedabías.

¹⁹ Eb' yunnal Pedaías: atn Zorobabel, yet' Simei. Ax eb' yunnal Zorobabel: atn Mesulam yet' Hananías, yet' pax 'ix Selomit yanb' eb' cha.

²⁰ 'Ayt pax own̈ xo yunnal: atn Hasuba, Ohel, Berequías, Hasadías, yet' Jusab-hesed.

²¹ Eb' yunnal Hananías, atn Pelatías yet' Jesaías. Ax eb' yin̈tl Jesaías 'a stzolil: atn Refaías, Arnán, Abdías, yet' Secanías.

²² Eb' yunnal Secanías: atn Semaías, Hatús, Igal, Barías, Nearías, yet' Safat: wacwn̈ sb'ey eb' 'a smasnil.

²³ Eb' yunnal Nearías, 'oxwn̈ sb'ey eb': atn Elioenai, Ezequías yet' Azricam.

²⁴ A eb' yunnal Elioenai, ucwn̈ sb'ey eb': atn Hodavías, Eliasib, Pelaías, Acub, Johanán, Dalaías yet' Anani.