1 Cr 13 - Chuj San Sebastian Bible

Snalb'ej David yi'n cot*r* te scaxail trato 'a Jerusalén

¹ Xlajw cha, 'ix paxtin David yet' eb' capitan̈ 'aych comandanteil 'a yib'n̈ junjn mil soldado, eb' 'aych capitan̈il 'a yib'n̈ junjn ciente soldado, yet' smasnil eb' yajl yaji.

² 'Ix yaln David chi 'ixtic: Ex wit chon̈ab', toto tzchaj e c'ojl ax tic, toto tzchaj pax sc'ojl Jehová qui Diosalec, cawtquec cot smasnil eb' quit israelal 'a yol qui macb'enec tic: eb' to 'ayt can 'a jun tzo'n̈ xo lugar, eb' ya'mal 'och sti eb' 'anma 'a Dios, eb' levita to 'ayc' 'a schon̈ab' yet' pax 'a 'aj tzwa scajb'en noc' eb'. Junn̈j tzcutjec qui b'a yet' eb',

³ sec tz'at qui'c cot te scaxail strato Jehová qui Diosalec, yujto atxo can 'a yol stiempoal Saúl, ata 'ix 'atcn satc'ojlal te cujec, xchi David cha.

⁴ 'Ix yaln smasnil eb' chon̈ab' to tzb'o 'ixta', yujto schaj sc'ojl eb' jun nab'en cha.

⁵ Xlajw cha, 'ix ya'n David syam sb'a smasnil eb' yit israelal 'a smasnil yol smacb'en. Tzchaj cot 'a Sihor 'a smon̈jonal yic Egipto, masnto 'a 'aj tzon̈ 'och 'a Hamat, yic tz'at 'ijxc cot te scaxail strato Dios chi 'a Quiriat-jearim, tzcuch pax Baala, ata 'ay 'a yol yic Judá.

⁶ Ajun smasnil eb' yit israelal David chi yet'oc, 'ix q'ue'ch 'a lum Quiriat-jearim, sec wach' to tz'ijx cot te scaxail strato Jehová Dios, atn jun 'ay q'ue sdespacho 'a yib'n̈ sjolm eb' querubín 'a 'aj tzb'inax sb'i.

⁷ 'Ix ya'n q'ue eb' te scaxail strato Dios chi 'a yib'n̈ jun 'ac' careta. Xlajw cha, 'ix yi'n 'elt eb' 'a yol yatut Abinadab, ax win Uza yet' Ahío 'ix 'i'n b'ey jun careta cha.

⁸ Ax David yet' smasnil eb' yit israelal, caw wal tzalj eb' 'a yojltac Dios. Yet' wal smasnil yip eb', tzb'atj chan̈ eb' sb'eyi, tzb'itn eb' yet' arpa, salterio, pandero, platillo yet' trompeta.

⁹ Palta a yic 'ix jaw eb' 'a jun lugar tzcuch Te'lab' trigo yic Quidón, ata 'ix 'och yamn win Uza 'a te scaxail trato cha, yic tzyamn 'och wan te', yujto 'ijn 'ix telw no wacx to'jnac te careta cha.

¹⁰ Yuj cha, caw 'ix cot yowl Jehová 'a win Uza cha, 'ix smiln can cham Dios win ta', yujto 'ix 'och yamnjoc win 'a te caxa cha.

¹¹ Ax David 'ix cot yowal, yujto 'ix milx win Uza chi yuj Jehová, yuj cha, a jun lugar cha, xya'cn win scuch Peres-Uza.

¹² A yic jun c'ul cha, caw 'ix xiw David 'a Dios, 'ix yaln 'ixtic: ¿Tas 'oj wutc wi'n to 'at te scaxail strato Dios 'a watut? xchi.

¹³ Man̈x 'ic yij 'at David chi te 'a Schon̈b' David cha, palta 'ix yala to ata tzcan te 'a yatut win Obed-edom. A jun winc cha, 'aj chon̈b' Gat.

¹⁴ A te scaxa Dios cha, 'ix can te 'oxe 'ujl 'a yatut win Obed-edom. Caw 'ix yac' Jehová yaxilal 'a yib'n̈ win yet' eb' cajn 'a yol yatut, yet' 'a yib'n̈ smasnil tastc 'ay 'a 'a.