BaHebheru 4 - Contemporary Southern Sotho Bible 2024

BaHeberu 4

¹ Ka baka leo, a re tshabeng, esere mohlomong pallo ya ho kena phomolong ya hae e sa le teng, ho tle ho se ke ha bonahala e mong wa lona a haellwa ke yona.

² Hobane le rona re boleletswe Evangeli jwaloka bona;

³ Hobane rona ba dumetseng re kena phomolong, jwalokaha a itse: Ke hlapantse kgalefong ya ka, ka re: Ha ba ka kena phomolong ya ka;

⁴ Hobane sebakeng se seng o boletse tsatsi la bosupa, a re: Modimo wa phomola ka tsatsi la bosupa mesebetsing yohle ya wona.

⁵ Mme sebakeng sena hape, ha ho thwe: Ekare ha ba ka kena phomolong ya ka.

⁶ Ka hona, kaha ho sa ntse ho setse ba bang ba tla kena teng, mme ba ileng ba bolellwa molaetsa wa pele ha ba ka ba kena ka baka la ho se dumele.

⁷ O boetse o behile letsatsi le itseng, a re ka Davida: Kajeno, kamora nako e telele hakana; jwalokaha ho boletswe, ho thwe: Kajeno, ha le utlwa lentswe la hae, le se ke la thatafatsa dipelo tsa lona.

⁸ Hobane hojane Jesu a ba neile phomolo, a ka be a sa ka a bolela hamorao tsatsi le leng.

⁹ Ka baka leo, ho saletse setjhaba sa Modimo phomolo.

¹⁰ Hobane ya keneng phomolong ya hae, le yena o phomotse mesebetsing ya hae, jwalokaha Modimo o phomotse ho tsa wona.

¹¹ Ka baka leo, a re sebeletseng ka thata ho kena phomolong eo, e le hore ho se be motho ya ka wang ho latela mohlala oo wa ho se dumele.

¹² Hobane Lentswe la Modimo ke lentswe le phelang, le matla, le bohale ho feta sabole e leoditsweng ka nqa tse pedi;

¹³ Le teng ha ho sebopuwa se sa bonahaleng mahlong a wona, empa tsohle di hlobotse, di tutubolohile mahlong a eo re nang le taba le yena.

¹⁴ Ka baka leo, erekaha re na le moprista e moholo ya kenetseng lehodimong, Jesu Mora wa Modimo, a re tiiseng boipolelo ba rona.

¹⁵ Hobane moprista e moholo eo re nang le yena, hase ya ke keng a re utlwela bohloko mefokolong ya rona; empa ya lekilweng nthong tsohle jwaloka rona, empa a se na sebe.

¹⁶ Ka baka leo, a re atameleng ka tshepo terone ya mohau, hore re tle re amohele mohau, mme re fumane mohau wa ho thusa ka nako ya teng.