Salmos 114 - Chuj San Mateo Bible

A tas ajnac yelta eb' israel d'a Egipto

¹ Ayic ix elta eb' israel yin̈tilal vin̈aj Jacob d'a Egipto, aton jun chon̈ab' ch'oc sti',

² a Judá yed' Israel ix ochcan schon̈ab'oc Jehová. A' ix ac'an Yajalil d'a yib'an̈.

³ Ayic ix sch'oxan sb'a Jehová d'a a' mar, ix b'at a' elelal. Axo a' nivan Jordán, ix meltzaj a' d'a spatic.

⁴ Axo lum vitz yed' lum tzalquixtac ix q'ue cheneljoc luum icha noc' chiva, ma icha noc' yunetac calnel.

⁵ ¿Tas ix ic'an a' mar chi', yuj chi' ix el a'? ¿Tas ix ic'an a' Jordán chi', yuj chi' ix meltzaj a'?

⁶ ¿Tas ix ic'an lum vitz yed' lum tzalquixtac, yuj chi' ix q'ue cheneljoc luum icha noc' chiva, ma icha noc' yunetac calnel?

⁷ Ib'xocab'q'ue lum luum d'a yichan̈ Jehová sDiosal vin̈aj Jacob.

⁸ Aton ix ic'anelta a a' d'a sat jun q'uen tenam, a d'a yol q'uen ix elta sjaj a a' chi' yuuj, ix smolb'ancan sb'a a'.