Bakaanelabu 18 - Jola-Kasa

Fool li ajow boot Koolent

¹ Fúlum tó, Fool li ájowum Ateen alo Koolent.

² Li kujukoo bo li asuwif feh kúfu’ li ésukayi yata Lom. Fool li ajow ajuk Akilaas buko li Filisila.

³ Ban emmuu bulokiil bano, (kakaan uyunt), li alako booliil, min kúlokum dín dáno.

⁴ Li húyiiyaay mantee li akaan Kusuwifaku li kugilekaku kúyinen.

⁵ Nan Silaas.

⁶ Bale Kusuwifaku li kuhoy kujam hulimahu hata Fool, min kunaak kugelool. Muñeˈe li ahank kafolaku kata wañawu woola aban li aaniil: — Jibanumuu li jíjim, li bukuluul bilume. Inti lí ínje. Ban muñeˈe boot min ijow bata kákaanumutumuu li Ateemit balewool.

⁷ Muñeˈe Fool li áfulum tó ajow boot bata Títiyus Súsitis anaake amanen Ateemit, ban eluufayi yoola li ekooj eluufayi yata kal̥awaku yata Kusuwifaku.

⁸ Kílisifis ammuu anahaanawu ata eluufayi yata kal̥awaku, li áyinen li Amaaŋenawu boot li butoŋabu boola feh ló. Bukan kameeŋe kata ésukayi yata Koolent, kajantenumuu Fool, li kúyinen foof min kúbatiiseyiil.

⁹ Li líiŋ li ehuka yakee, Amaaŋenawu li alob Fool li kahimmo aanool: — Sákoli, awu ulob, ban jakum ulu,

¹⁰ mata ínje ummu li awu. An let ajoki min akaani majakut, mata bukan kameeŋe kumbuku li ésukayi inye káami kúmbaam.

¹¹ Fool li alako li ésukayi yata Koolent emit li kul̥eeñ hutok li hano, min anaak aliiken bukanabuku Hulimahu hata Ateemit.

¹² Muñeˈe li taŋayi nan Galiyoŋ alakomuu águubelunaalawu ata Lom li etaamayi yata Akaay, Kusuwifaku li kujamoo min kutiiken Fool. Li kujokool kújowetum li hutiibahu,

¹³ min koon: — Anáyinaawu umme huŋes láami lí hó min akaan bukanabuku kumanen Ateemit búti li min eluwaayi elobumuu.

¹⁴ Muñeˈe Fool li alako li álobul, Galiyoŋ li aan Kusuwifaku: — Nokooleenumuu loon búyiik lakaane, mantee foof latilentilen ŋáa’, manooman fan iŋaleen taŋ min ijantenuul, bukuluul Kusuwifaku.

¹⁵ Bale emmuu lakolako búwonnoo mata kulim, li mata ujaw, li mata eluwaayi yooluul, baabu bukuluul joote jihaase min jóomi li jikaan. Injé ifañut min ilako atiiba ata wah loon unwu.

¹⁶ Nan Galiyoŋ alobiilumuu loon muñaˈa aban, li akesooliil kúfu’ li hutiibahu.

¹⁷ Muñeˈe buko foofiil feh li kújokul anahaanawu ata eluufayi yata kal̥awaku an koonemuu Sosuten, kutek hákil hutiibahu. Bale Galiyoŋ abagut.

Fool li alaañ boot Antiyok

¹⁸ Fool li afiyo jakee li ésukayi yata Koolent. Fúlum tó, li akat to kutuyool min ájufo li ébato min ajow boot li etaamayi yata Siili, akila li Filisila li Akilaas. Fool li ámiito átowum ájufo li kásikaku kata Sankile, mata babbaj wah wan alobe kakaan hákil Ateemit.

¹⁹ Muñeˈe li kujow boot Efées kúliiŋ, Fool li akat to Filisila buko li Akilaas, min ajow anoken li eluufayi yata kal̥awaku.

²⁰ Kusuwifaku li koon Fool afan alako to fiyo jakee, bale li ahoy.

²¹ Li akatiil to min alako li ajow, li aaniil: — Súumumuu li Ateemit, fan ílaañul hunak hakee ijukuul. Ban li ájufowum li ésukayi yata Efées li ébato awuj.

²² Nan áliiŋumuu Sesaale, li ajow boot Yeelusalem ajow asaaf Ejanguwayi, aban li ahaaŋ boot Antiyok.

²³ Muñeˈe nan alako tomuu fiyo jatit, li ahaaŋ. Li ajand ájowum li etaamayi yata Galasi alo li yata Filiisi, min aliten kúgoomaku feh li káyinenaku kooliil.

Afolos li ajow awaale li ésukayi yata Efées li yata Koolent

²⁴ Muñeˈe no unnu, asuwif akee an koone Afolos abuki Alekusandili, li áliiŋul li ésukayi yata Efées. Afolos lakankaan ánayine acole hulim, ban li ahaas Hulimahu hata Ateemit jak.

²⁵ Kuliikenooliiken Bútinabu bata Amaaŋenawu ban, li anaak awaale li aliiken bukanabuku col Hulimahu Hásuumaahu hata Yéesu li ésuumansuum yáamak. Bale okila Afolos kábatiisaaku kata Saŋ bale lahaase.

²⁶ Li anaak alob li mal̥egenool li eluufayi yata kal̥awaku yata Kusuwifaku. Nan Filisila buko li Akilaas kujamoolumuu li alob, li kuŋalool kújowetum booliil, kujow kukittenool Bútinabu bata Ateemit haŋ macol.

²⁷ Fúlum tó, Afolos li abaj kayinoo kata ejow boot li etaamayi yata Akaay. Kutuyool kata káyineniil kano li kuwankulenool, ban li kukiic eleetal kuboñ bukanabuku káyinenumuu kata etaamayi inyu, bánum li kuyabool jak. Nan áliiŋ bómuu, li alamben ŋáa’ bukanabuku káyinenummuu li káji kata Ateemit,

²⁸ mata lanaanaak áhiis Kusuwifaku jak, hákil ésukayi feh, kaanaku kulet li mal̥egen. Li anaak aŋa’ Hulimahu hata Ateemit min áhiisiil kaanaku Yéesu ammuu Afakenaawu.