Yoshua 21 - MUKANDA USANDU WA ZAMBI 1975

¹ Mba makulwana akwa lutwe a A-Levi A yeza kuli Eleazare mwe sasendote, ni kuli Yoshua mwana wa Nune, ni kuli makulwana akwa lutwe a minyachi ya A-Izalele.

² Yamba kuli ayo mu Shilo mu chifuchi cha Kanana ngwo, Yehova watumine kuli Mose atwehe yihunda kutwamamo, hamwe ni ulilo wa ngombe jetu.

³ Kashika nikulita ni shimbi ya Yehova A-Izalele ahanyine kuli A-Levi yihunda yino ya kuchiza ku chihinga cho, hamwe ni ulilo wako.

⁴ Chela chayile ku majimo ja A-Kohate. Kashika A-Levi aze asemukine kuli Arone mwe sasendote atambwile nikulita ni chela ku minyachi ya A-Yunda, ni ya A-Simeone, ni ya A-Mbenjamine kumi lia yihunda ni yihunda yitatu.

⁵ Waze asalile a kuli A-Kohate atambwile nikulita ni chela ku majimo a munyachi wa A-Eframe, ni munyachi wa Ndane, ni chihanda cha ha muchima cha munyachi wa A-Manase kumi lia yihunda.

⁶ A-Ngeshone nikulita ni chela atambwile kuli akwa majimo a munyachi wa A-Isaka, ni ku munyachi wa A-Ashe, ni ku munyachi wa A-Napatali, ni ku chihanda cha ha muchima cha munyachi wa A-Manase mu Mbashane kumi lia yihunda ni yihunda yitatu.

⁷ A-Merari nikulita ni majimo jo atambwile ku munyachi wa A-Rupene, ni ku munyachi wa A-Ngate, ni ku munyachi wa A-Zapulone kumi lia yihunda ni yihunda yiali.

⁸ Yihunda yino ni ulilo wako A-Izalele ahanyine nikulita ni chela kuli A-Levi, chizechene ngwe Yehova watumine Mose.

⁹ Ya ku munyachi wa Yunda ni munyachi wa Simeone ahanyine yihunda yino ha majina jayo.

¹⁰ Yayile kuli ana ja Arone, ku jimo limwe lia A-Kohate aze apwa A-Levi, mumu chela chitangu chayile kuli ayo.

¹¹ Aahele Kiriate-Arpa, Arpa te iye tato ya Anake (acho ngwetu, Heprone) mu chifuchi cha Yunda ku milundu hamwe ni ulilo wa kujingilika.

¹² Alioze minda ya limbo ni tuyihunda twalio te hahana kuli Kalemba, mwana wa Yefune, chikapwe chihinga chenyi.

¹³ Kuli ana ja Arone mwe sasendote ahanyine Heprone, chihunda cha kuchinyina hali yoze mashiha umwe, hamuwika ni ulilo wako, ni Libna ni ulilo wako,

¹⁴ ni Yatiri ni ulilo wako, ni Eshetemo ni ulilo wako,

¹⁵ ni Holone ni ulilo wako, ni Ndebire ni ulilo wako,

¹⁶ ni Ayine ni ulilo wako, ni Yuta ni ulilo wako, ni Mbete-Shemeshe ni ulilo wako. Yihunda livwa ya ku minyachi yino yiali.

¹⁷ Ya ku munyachi wa A-Mbenjamine ahanyine Ngibeone ni ulilo wako, ni Ngeba ni ulilo wako,

¹⁸ ni Anatote ni ulilo wako, ni Alamone ni ulilo wako, yihunda yiwana.

¹⁹ Yihunda ya ana ja Arone asasendote yapwile yeswe kumi lia yihunda ni yihunda yitatu ni ulilo wako.

²⁰ Ha kutwala kuli waze asalile a kuli A-Kohate, waze apwa a ku majimo ja Kohate, wa A-Levi, yihunda yize aahele yapwile ya ku munyachi wa A-Eframe.

²¹ Kuli ayo ahanyine Shekeme, chihunda cha kuchinyina hali yoze mashiha mutu, hamwe ni ulilo wako ku milundu ya Eframe, ni Ngezere ni ulilo wako,

²² ni Kibizaime ni ulilo wako, ni Mbete-Horone ni ulilo wako; yihunda yiwana.

²³ Ya ku munyachi wa Ndane, Eleteke ni ulilo wako, ni Ngibetone ni ulilo wako,

²⁴ ni Ajalone ni ulilo wako, ni Ngate-Rimone ni ulilo wako; yihunda yiwana.

²⁵ Ya ku chihanda cha ha muchima cha munyachi wa Manase, Tanaka ni ulilo wako, ni Ngate-Rimone ni ulilo wako; yihunda yiali.

²⁶ Yihunda yeswe ya majimo ja waze asalile kuli A-Kohate apwile kumi, hamwe ni ulilo wako.

²⁷ Kuli A-Ngeshone, jimo limwe lia A-Levi aahele kuli akwa chihanda cha ha muchima cha munyachi wa Manase Ngolane mu Mbashane ni ulilo wako, chihunda cha kuchinyina hali yoze mashiha mutu, ni Mbeshetera ni ulilo wako; yihunda yiali.

²⁸ Ya ku munyachi wa Isaka ahanyine Kishione ni ulilo wako, ni Ndaberata ni ulilo wako,

²⁹ ni Yaramuta ni ulilo wako, ni Ene-Nganime ni ulilo wako; yihunda yiwana.

³⁰ Ya ku munyachi wa Ashe ahanyine Mishala ni ulilo wako, ni Abadone ni ulilo wako,

³¹ ni Helekata ni ulilo wako, ni Rehobo ni ulilo wako; yihunda yiwana.

³² Ya ku munyachi wa Napatali ahanyine Kendeshe mu Ngalileya ni ulilo wako, chihunda cha kuchinyina hali yoze mashiha mutu, ni Hamoto-ndore ni ulilo wako, ni Kartane ni ulilo wako; yihunda yitatu.

³³ Yihunda ya minyachi yeswe ya A-Ngeshone, umwe ha umwe, yapwile yeswe kumi lia yihunda ni yihunda yitatu hamwe ni ulilo wako.

³⁴ Kuli A-Levi waze asalile a ku majimo ja A-Merari, akwa munyachi wa Zapulone ahanyine Njokename ni ulilo wako, ni Karta ni ulilo wako,

³⁵ ni Ndima ni ulilo wako, ni Nahalale ni ulilo wako; yihunda yiwana.

³⁶ Ya ku munyachi wa Rupene ahanyine Mbezere ni ulilo wako, ni Yahaze ni ulilo wako,

³⁷ ni Kedemote ni ulilo wako, ni Mefata ni ulilo wako; yihunda yiwana.

³⁸ Ya ku munyachi wa Ngate ahanyine Ramote mu Ngiliate ni ulilo wako, chihunda cha kuchinyina hali yoze mashiha mutu, ni Mahaneme ni ulilo wako,

³⁹ ni Heshebone ni ulilo wako, ni Yazere ni ulilo wako; yeswe yapwa yihunda yiwana.

⁴⁰ Ha kutwala ku yihunda ya minyachi ya A-Merari, umwe ha umwe, ngwami, waze asala a ku minyachi ya A-Levi yihunda yize aahele yapwile kumi lia yihunda ni yihunda yiali.

⁴¹ Yihunda ya A-Levi mukachi ka chihinga cha A-Izalele yeswe yapwile makumi awana a yihunda ni yihunda nake hamwe ni ulilo wako.

⁴² Chihunda ni chihunda chapwile ni ulilo wacho wa kuchijingilika. Chocho chapwile ni yihunda yino yeswe.

⁴³ Chocho Yehova wahanyine kuli A-Izalele chifuchi chize cheswe alishingile kuhana kuli tulamba two, mba muze hachizuka achitungile.

⁴⁴ Yehova waahele kuhwima kweswe kwa kujingilika chizechene ngwe walishingile kuli tulamba two. Niumwe hakachi ka akwa kole jo hahasa kulimika no, mumu Yehova hakunjika akwa kole jo eswe ku moko jo.

⁴⁵ Nichimwe chilakenyo chipema chahonene kuli akwa vungu lia Izalele chize Yehova hanalakenya. Yeswe yamanunukine.