Yoshua 15 - MUKANDA USANDU WA ZAMBI 1975

¹ Chihinga cha munyachi wa A-Yunda nikulita ni majimo jo chatwalile ku Sule ndo ku njiza ya Endome, ku puya ya Zini kwe ku songo lia ku Sule.

² Njiza yo ya ku Sule yachijile ku songo lia Chitende cha Mungwa, ku konda yize yatala ku Sule.

³ Yapalika ku sali lia Sule lia ukandukilo wa Akarabimi ndo ku Zini ni ku Sule ya Kandeshe-Mbania, ndo ku Hezerone, yakanduka ku Andare, yalijinga ku Karika.

⁴ Mba yaya ku Azamone, yatuhukila ku lwiji wa Engitu, yasulila ku kalunga-lwiji. Ayo njiza yenu ya ku Sule.

⁵ Njiza ya ku Chivumbuko Chitende cha Mungwa ndo ku chihata cha Yordau. Njiza ya ku Norte yachiza ku konda ya Chitende ku chihata cha Yordau.

⁶ Njiza yakanduka ku Mbete-Hogala, yalisesa ku Norte ya Mbete-Arapa, mba yaheta ndo ku liwe lia Mbohane mwana wa Rupene.

⁷ Njiza yakanduka ku Ndebire chize ku chikulo cha Akore. Chocho yaya ku Norte nikutalikisa ku Ngilingali yatalangana ni ukandukilo wa Andumime ha sali lia chikulo ku Sule. Njiza yapalika ndo ku meya a Ene-Shemeshe. Yasulila ku Ene-Rogele.

⁸ Mba njiza yakandukila ku chikulo cha mwana wa Hinome nikulisesa ni mulundu wa Yepushe ku Sule (acho ngwami, Yerusaleme). Njiza yakanduka ndo ku songo lia mulundu uze watalangana ni chikulo cha Hinome ku Chitokelo, sali lia ku Norte lia chikulo cha Refane.

⁹ Chize ha haze ha songo lia mulundu njiza yaya ndo fuji lia meya a Nefatoa. Chize ha haze yapalikila ku yihunda ya mulundu wa Efrone, mba njiza yalihengela ku Mbaala (ngwami, Kiriate-Yerimi).

¹⁰ Mba njiza yasa konda ku Chitokelo cha Mbaala ndo ku mulundu wa Sere, yalisesa ku Norte ya ukandukilo wa Mulundu wa Yerimi (likwo Chesalone) yapalumuka ku Mbete-Shemeshe nikulisesa ni Timna.

¹¹ Mba njiza yatuhukila ku ukandukilo wa mulundu ku Norte ya Ekrone, yalihengela ku Shikerone, yalisesa ni mulundu wa Mbaala, yatuhukila ku Njabanele, chocho njiza yasulila ku kalunga-lwiji.

¹² Njiza ya ku Chitokelo, Kalunga-lwiji Munene ni mbaka yenyi. Yino ye njiza yajingilika A-Yunda nikulita ni minyachi yo.

¹³ Nikulita ni shimbi ya Yehova kuli Yoshua iye wahanyine kuli Kalemba mwana wa Yefune chihanda hakachi ka A-Yunda, te Kiriate-Arpa, jina likwo Heprone (Arpa iye tato ya Anake).

¹⁴ Kalemba wahumineko e ana atatu a Anake, majina jo, Sheshai, ni Ahimane, ni Talamai, o eswe munyachi wa Anake.

¹⁵ Chize ku kuze yakanduka ni jita kuli akwa Ndebire. Jina lia Ndebire kunyima te Kiriate-Zefa.

¹⁶ Kalemba yamba ngwenyi, Mweswawo makumba Kiriate-Zefa nikuchitambula, mungumwaha Aksa mwanami akapwe pwo lienyi.

¹⁷ Oteniele, mwana wa Kenaze, mwanakwo wa Kalemba, yachikumba, kashika yamwaha Aksa mwanenyi akapwe pwo lienyi.

¹⁸ Muze heza kuli iye, pwo yashinjika lunga akete munda kuli tato Kalemba. Pwo muze hasunuka ha chimbulu chenyi, Kalemba yamba kuli iye ngwenyi, Kuchi unazange?

¹⁹ Iye yamba ngwenyi, Nungwehe chawana. Se hinwangusa mu chifuchi cha Negeve, nungwehe nawa mashima a meya. Kalemba yamwaha mashima a ku funda ni mashima a ku mwanda.

²⁰ Chihinga cha munyachi wa A-Yunda nikulita ni majimo jo chino,

²¹ yihunda ya munyachi wa A-Yunda kwe ku Sule ku njiza ya Endome, Kabzele, ni Edere, ni Njagura,

²² ni Kina, ni Ndimona, ni Adada,

²³ ni Kendeshe, ni Hazore, ni Itinane,

²⁴ ni Zifa, ni Teleme, ni Bialote,

²⁵ ni Hazore-hadata, ni Keriote-hezerone, (jina likwo Hazore),

²⁶ ni Amame, ni Shema, ni Molada,

²⁷ ni Haza-Ngada, ni Heshemone, ni Mbete-Pelete,

²⁸ ni Haza-Shuale, ni Mbia-Shipa, ni Mbiziota,

²⁹ ni Mbaala, ni Imi, ni Ezeme,

³⁰ ni Ele-tolade, ni Chesili, ni Horoma,

³¹ ni Zikalage, ni Madamana, ni Sanasana,

³² ni Lebaote, ni Shilimi, ni Ayine, ni Rimone. Yeswe yapwa makumi aali a membo ni membo livwa hamwe ni tuyihunda two.

³³ Ku yana Esheteole, ni Zora, ni Asena,

³⁴ ni Zanoa, ni Ene-Nganime, ni Tapua, ni Ename,

³⁵ ni Yaramuta, ni Ndulame, ni Soko, ni Azeka,

³⁶ ni Sharaime, ni Aditaime, ni Gedera, ni Gederotaime. Kumi lia membo ni membo awana hamwe ni tuyihunda two.

³⁷ Ni Zenana, ni Hadasha, ni Migidalingate,

³⁸ ni Diliane, ni Mizepa, ni Yokatele,

³⁹ ni Lakishi, ni Bozakata, ni Eglone,

⁴⁰ ni Kabone, ni Lamama, ni Chitilishi,

⁴¹ ni Gederote, ni Mbete-Ndagone, ni Namahe, ni Makeda. Kumi lia membo ni membo asambano hamwe ni tuyihunda two.

⁴² Ni Libna, ni Etere, ni Ashane,

⁴³ ni Ifita, ni Asena, ni Neziba,

⁴⁴ ni Kela, ni Akaziba, ni Maresa. Livwa lia membo hamwe ni tuyihunda two.

⁴⁵ Ni Ekrone hamwe ni membo jako ni tuyihunda twako.

⁴⁶ Chize ku Ekrone ndo ku kalunga-lwiji; waze eswe apwile sali lia Ashedode hamwe ni tuyihunda two.

⁴⁷ Ni Ashedode ni membo jako ni tuyihunda twako, ni Ngeza ni membo jako ni tuyihunda twako, ndo ku lwiji wa Engitu, ni Kalunga-lwiji Munene ni mbaka yenyi.

⁴⁸ Mu chifuchi cha milundu, Shamiri, ni Yatiri, ni Soko,

⁴⁹ ni Ndana, ni Kiriate-Sana (likwo Ndebire),

⁵⁰ ni Anape, ni Eshetemo, ni Anime,

⁵¹ ni Ngoshone, ni Holone, ni Ngilo. Kumi lia membo ni limbo limuwika hamwe ni tuyihunda two.

⁵² Ni Aripa, ni Nduma, ni Eshane,

⁵³ ni Yanimi, ni Mbete-Tapua, ni Afeka,

⁵⁴ ni Humata ni Kiriate-Arpa (likwo Heprone) ni Ziore. Livwa lia membo ni tuyihunda two.

⁵⁵ Ni Mayone, ni Karmela, ni Zifa, ni Yuta,

⁵⁶ ni Yezerele, ni Yokadime, ni Zanoa,

⁵⁷ ni Kene, ni Ngibia, ni Timna. Kumi lia membo hamwe ni tuyihunda two.

⁵⁸ Ni Halahula, ni Mbete-Zure, ni Gedore,

⁵⁹ ni Marata, ni Mbete-Anote, ni Eletekone. Membo asambano ni tuyihunda two.

⁶⁰ Ni Kiriate-Mbale (likwo Kiriate-Yerimi) ni Raba. Membo aali ni tuyihunda two.

⁶¹ Mu puya Mbete-Arapa, ni Midini, ni Sekaka,

⁶² ni Nibishane, ni Chihunda cha Mungwa, ni Engedi. Membo asambano ni tuyihunda two.

⁶³ Alioze A-Yepushe waze atwamine mu Yerusaleme A-Yunda kahashile kwahuma. Kashika A-Yepushe anatwama ni A-Yunda mu Yerusaleme ndo musono.