Yoano 15 - MUKANDA USANDU WA ZAMBI 1975

¹ Vindera yamwenemwene yami, ni Tata iye njimi.

² Mitango yize yeswe muli yami kuyishi kwima mihuko, mayichiza: ni mitango yize yeswe muyima mihuko, mayipemesa, hanga yikeme mihuko kuhiana.

³ Yenu kunwapema kulu mumu ha liji lize hinahanjika kuli yenu.

⁴ Twamenu muli yami, ni yami muli yenu. Chizechene ngwe mutango kuwahashile kwima mihuko ukawawo, shina muutwama mu vindera; chipwe yenu kunuchi kuhasa, shina munutwama muli yami.

⁵ Ye vindera yami, yenu nuli mitango: yoze matwama muli yami, ni yami mungutwama muli iye, mwenawo mema mihuko yinji: mumu kunwahashile kulinga nichimwe shina ni yami.

⁶ Kachi mutu keshi kutwama muli yami, kachi mamumbila haze ngwe mutango, iye malela, mba mayikunga, mayimbila mu kahia, yikaweme.

⁷ Kachi munutwama muli yami, ni maliji jami matwama muli yenu, nukete cheswacho munuzanga, kumuchikapwa kuli yenu.

⁸ Mu chino machichimieka Tata, nyi munwima mihuko yinji; ni chocho kumunukapwa tumbaji twami.

⁹ Chize-chene ngwe Tata hananguzange, chocho ni yami nawa hingunanuzange; twamenu mu zango liami.

¹⁰ Kachi munufunga shimbi jami kachi munukatwama mu zango liami; chizechene ngwe yami nafungile shimbi ja Tata, natwama mu zango lienyi.

¹¹ Yino yuma hinahaniika kuli yenu, hanga uwahililo wami ukapwe muli ycnu, ni uwahililo wenu ukazale tó.

¹² Yino ye shimbi yami, nukalizange umwe ni mukwo ni mukwo, chizechene ngwe yami hingunanuzange.

¹³ Zango liahiana lino keshi nalio niumwe, kachi umwe matumbika mwono wenyi hali tusendo twenyi.

¹⁴ Yenu nuli tusendo twami, kachi munulinga cheswacho mungunwamba.

¹⁵ Chichi kunuvuluka nawa ngwami, Ndungo; mumu ndungo kanyingikineko chize Mwene wenyi malinga; alioze hingunanuvuluka ngwami, Tusendo; mumu yuma yize yeswe nevwile kuli Tata, hingunanunyingikisayo.

¹⁶ Yenu kunwangutongwele, alioze yami nanutongwele, nanufunjikile, hanga nukaye, nukeme mihuko, hanga mihuko yenu yi-kalinduluke; hanga cheswacho munwita kuli Tata mu jina liami, akanwehecho.

¹⁷ Yino yuma ngunanwambeyo, hanga nukalizange umwe ni mukwo ni mukwo.

¹⁸ Kachi akwa hashi manuvwila kole, nunanyingika hananguvwilayo yami shimbu kanda anuvwilayo yenu.

¹⁹ Kachi yenu nwapwa akwa hashi kachi akwa hashi mazanga nio ene: alioze mumu yenu hi nuli akwa hashi ko, alioze nanutongwele kuli akwa hashi, kashika akwa hashi kakunuvwila kole.

²⁰ Iwulukenu liji lize nambanga kuli yenu ngwami, Ndungo keshi kuhiana mwene wenyi. Kachi anguhungumionene, kachi ni yenu nawa makanuhungumiona; kachi afu-ngile liji liami, kachi makafunga liji lienu nawa.

²¹ Alioze yino yuma yeswe makalinga kuli yenu, mumu ha jina liami, mumu kanyingikine yoze wangutumine.

²² Kachi chejile nikuhanjika kuli ayo, kachi kapwile ni mulonga: alioze haliapwila keshi kaliongelo ha mulonga wo.

²³ Yoze manguvwila kole mayivwila mwe Tata nawa.

²⁴ Kachi chalingile hakachi ko yitanga yize niumwe mukwo walingile, kachi keshi mulonga: alioze haliapwila hanamono, hanavwila kole nawa ni yami ni Tata.

²⁵ Alioze chino hichapwa, hanga liji lize linasonewa mu shimbi yo likamanunuke ngwo, Anguvwilile kole lume, chikuma chakuhi.

²⁶ Alioze muze te Chikwashi heza, yoze mungukamutuma wa kuli Tata, iye Spiritu ya umwenemwene, yoze makatuka kuli Zambi, iye kumakashindakenya hali yami;

²⁷ ni yenu nawa nwakushindakenya, mumu kunwapwa hamwe ni yami chize ku uputukilo.