Yishima 11 - MUKANDA USANDU WA ZAMBI 1975

¹ Mbalansa ya kwonga yapwa chizelwokeso kuli Yehova; alioze pezu ya ululi yamuwahila chinji.

² Muze kulengumuka hicheza, ni sonyi nawa mujiza, alioze mana katwama ni akwa kulikehesa.

³ Kutuwika cha mbunge cha akwa ululi muchiasongwela, alioze kupiya cha akwa mafwefwe muchiaonwona.

⁴ Upite kuuchi kukwasa ha tangwa lia ufwatulo; alioze ululi kuwakupulula ku kufwa.

⁵ Ululi wa mutu mungunu muumusongwela mu jila yenyi; alioze chingulungulu makalimbukila mu ungulungulu wenyi.

⁶ Ululi wa akwa ululi muukaapulula; alioze akwa mafwefwe kumakakwachika mu uhenge wo ene.

⁷ Muze chingulungulu mafwa, kutalatala chenyi hichatoka, ni kutalatala cha uhenge kuchakutoka.

⁸ Kakupulula mukwa ululi ku lamba lienyi; alioze chingulungulu kumakamusalakanamo.

⁹ Ni kanwa lienyi chilembese kakwonwona mwenyembo wenyi; alioze ku yinyingi kumakapulula akwa ululi.

¹⁰ Muze mukwa ululi kanawaha limbo lieswe linawahilila; alioze muze chingulungulu mafwa kulikwiza chapwako.

¹¹ Ku kuwahisa cha mukwa ululi kakufumanyisa chihunda; alioze kakuchipupa ni kanwa lia chingulungulu.

¹² Yoze malelesa mukwo keshi mbunge; alioze mukwa malinjekela kakuhola.

¹³ Mukwa kwendangana ni kalundanganyishi kakusolola yuma yize yahengama; alioze mukwa Spiritu ya kushishika kakusweka chikuma.

¹⁴ Kuze kukushi chiyulo cha mana atu kakulimbuka; alioze ku wunji wa akwa kuyula kwatwama kuwaha.

¹⁵ Yoze mahana chifungo hali chilambala kumakachivwila kusasaminya; alioze yoze keshi kuzanga kuhana yijikilo matwama kawape.

¹⁶ Pwo wa vumbi kakupwa ni ulemu, ni akwa upupilo mapwa ni upite.

¹⁷ Mukwa keke kakuwahisa mbunge yenyi mwene; alioze mukwa uswi kakupinjisa musunya wenyi mwene.

¹⁸ Chingulungulu kakulambula fweto ya kwonga; alioze yoze makuwa ululi kali ni kwononona chamwenemwene.

¹⁹ Mukwa kulikoleza mu ululi kumakaheta ku mwono; alioze mukwa kukaula yipi kakulikokela kutwa.

²⁰ Akwa kupiya mu mbunge kapwa chizelwokeso kuli Yehova; alioze kakuwahilila ni atu angunu mu ndako jo.

²¹ Kwoko ku kwoko, mutu mupi kechi kasamba; alioze munyachi wa akwa ululi makaapulula.

²² Ngwe kazeya ka oru ku muhombo wa ngulu; chocho apwa pwo mupema ku meso yoze keshi mana.

²³ Kuzanga cha akwa ululi chapwa chipema wika; alioze yingulungulu kakutalatala ufwatulo.

²⁴ Kwali chihanyi kakuliwezela upite; kwali mukwa kumina chize chamutamba kuhana, hindu chatwala ku uswale wika.

²⁵ Mukwa kuvungumiona mamutohesa; ni yoze kakuhinjila akwo neye kumakamuhinjila.

²⁶ Atu matuka mukwa kumina mbuto; alioze malunjika yiwape ha mutwe wa yoze kakuyilanjisa.

²⁷ Yoze kakufupafupa yipema kakufupa vumbi; alioze mweswe mafupa uhuka, muukamuwana.

²⁸ Yoze Unafuliela upite wenyi kumakalimbuka; alioze mukwa ululi kumakalinduluka ngwe lifwo lia wisu.

²⁹ Mweswe mapinjisa zuwo lienyi mahinga fuji; ni chihepuke mapwa ngamba ya mukwa mbunge ya mana.

³⁰ Mihuko ya akwa ululi yapwa ngwe mutondo wa mwono; ni mukwa mana kakukoka mbunge ja atu.

³¹ Mukwa ululi mamukundulula hano hashi; mba kuhiana mafwetesa chingulungulu ni chivulumunyi!