Ubutukilo 46 - MUKANDA USANDU WA ZAMBI 1975

¹ Izalele wayile mu jila hamuwika ni upite wenyi weswe. Yaheta ku Mbi ashipa, yalambula yitapo kuli Zambi ya tato Izake.

² Zambi yahanjika ni Izalele ni usolwelo wa ufuku ngwenyi, Yakomba, Yakomba. Iye yamba ngwenyi, Yami uno.

³ Mba Zambi yamba ngwenyi, Yami nguli Zambi, mwe Zambi ya tatenu. Kanda wivwa woma wa kuya ku Engitu mumu mungukupwisako vungu linene.

⁴ Munguya hamwe ni yena ku Engitu, mba mungukakuchizako nawa. José makasa moko jenyi ha meso je.

⁵ Chocho Yakomba yakatuka ku Mbia-shipa. Ana a Izalele ambachile tato Yakomba, ni ana jo, ni mapwo jo mu matemba aze Falau atumine mukwambachilamo.

⁶ Atwalile ngombe jò, ni yikwata yo yeswe apichile mu chifuchi cha Kanana, yeza ku Engitu, Yakomba ni munyachi wenyi weswe hamwe nenyi;

⁷ ni anenyi a malunga, ni ana jo a malunga; ni anenyi a mapwo, ni ana a mapwo aze asemene kuli anenyi a malunga, munyachi wenyi weswe ejile no ku Engitu.

⁸ Majina ja ana a Izalele aze ejile ku Engitu, Yakomba ni anenyi, wano; Rupene mwana mutangu wa Yakomba.

⁹ Ana ja Rupene wano; Hanoke, ni Palu, ni Hezerone, ni Kame.

¹⁰ Ana ja Simeone wano; Yemule, ni Yamine, ni Ohate, ni Yakine, ni Zohare, ni Shalo iye mwana wa umwe pwo wa ku Kanana.

¹¹ Ana ja Levi wano; Ngeshone ni Kohate, ni Merari.

¹² Ana ja Yunda wano; Ere, ni Onane, ni Shela, ni Pereze, ni Zera. Alioze Ere ni Onane afwile mu chifuchi cha Kanana. Ana ja Pereze wano; Hezerone, ni Hamuli.

¹³ Ana ja Isaka wano; Tola, ni Puvwa, ni Jo, ni Shimerone.

¹⁴ Ana ja Zapulone wano; Serote, ni Eione, ni Yalile.

¹⁵ Wano te ana ja Liya aasemene kuli Yakomba mu Panda-narame ni mwanenyi wa pwo Ndina. Eswe hamuwika ni ana a malunga ni ana a mapwo makumi atatu ni atu atatu.

¹⁶ Ana ja Ngate wano; Zefwone, ni Hangi, ni Shuni, ni Izopone, ni Ire, ni Erote, ni Arele.

¹⁷ Ana ja Ashe wano; Ima, ni Ishevwa, ni lshevwi, ni Mberia ni ndumbwo Sera. Ana ja Mberia wano; Hepere ni Malikiele.

¹⁸ Wano te ana ja Zelupa amuhanyine Lapane kuli mwanenyi Liya. Wano asemene kuli Yakomba, kumi lia atu ni atu asambano.

¹⁹ Ana ja Rakele pwo lia Yakomba wano; José ni Mbenjamine.

²⁰ Mu chifuchi cha Engitu José wasemene Manase ni Eframe kuli Asenate mwana wa Potifera sasendote wa One.

²¹ Ana ja Mbenjamine wano; Mbela, ni Mbechi, ni Asembele, ni Ngera, ni Naamane, ni Ehi, ni Roshe, ni Mupine, ni Hupimi, ni Arande.

²² Wano te ana ja Rakele waasemene kuli Yakomba. Eswe hamuwika kumi lia atu ni atu awana.

²³ Mwana wa Ndane yono; Hushime.

²⁴ Ana ja Napatali wano; Yozele, ni Nguni, ni Yeze, ni Shilemi.

²⁵ Wano te ana ja Mbila wahanyine Lapane kuli mwanenyi Rakele. Waasemene kuli Yakomba. Eswe apwa atu shimbiali.

²⁶ Atu eswe Yakomba wejile no ku Engitu, te waze asemukine kuli iye mwene—hi mapwo ja anenyi ko—e eswe hamuwika apwa makumi asambano a atu ni atu asambano.

²⁷ Mba ana ja José asemene mu Engitu aali, hashika atu eswe a zuwo lia Yakomba ejile ku Engitu, makumi shimbiali.

²⁸ Yakomba yatuma Yunda kulutwe kuli José, akalweze jila ya kuya ku Ngoshone. Chocho ahetele ku chifuchi cha Ngoshone.

²⁹ José iye yalulika temba lienyi, yaya kupatwiza tato Izalele ku Ngoshone. Yalisolola kuli tato, yalizewilaye, yalila ha kota yenyi shimbu lume.

³⁰ Izalele yamba kuli José ngwenyi, Mba ngufwe lume, se hinakumona ku meso shimbu uchili ni mwono.

³¹ José yamba kuli ayayo ni kuli akwa zuwo lia tato eswe ngwenyi, Munguya ngukambulwile Falau ngwami, Ayaya, ni akwa zuwo lia tata apwile mu chifuchi cha Kanana haneza kuli yami.

³² Malunga o tufunga mumu kapwa akwa kupita yimuna. Hananeha mapanga, ni ngombe, ni upite wo weswe.

³³ Kashika muze Falau manusanyika manuhula ngwenyi, Milimo yenu yika?

³⁴ Enu munwamba ngwenu, Etu ngamba jenu tuli akwa kupita yimuna chize ku ukweze ndo haliapwila, ni yetu, ni atata. Hanga nukatwame mu chifuchi cha Ngoshone, mumu tufunga twa yimuna eswe kanapu ngwe yijiluke kuli A-Engitu.