Ubutukilo 36 - MUKANDA USANDU WA ZAMBI 1975

¹ Yisemuko ya Esau (likwo ngwo, Endome) yino;

² Esau wambachile mapwo jenyi kuli ana ja A-Kanana. Mukwo Ata mwana wa Ka-Hete Eione, mukwo Oholipama mwana wa Hana mwana wa Ka-Hevwe Zepeone.

³ Mukwo Mbazemate mwana wa Ishemali, yayo ya Nepayote.

⁴ Ata yasema Elifaze. Mbazemate yasema Reuele.

⁵ Oholipama yasema Yeushe, ni Yalame, ni Kora. E ana a Esau wano; asemukine kuli iye mu chifuchi cha Kanana.

⁶ Esau yatwala mapwo jenyi, ni anenyi a malunga, ni anenyi a mapwo, ni atu eswe a zuwo lienyi, ni ngombe, ni yimuna jenyi eswe, ni yikwata yenyi yeswe yize apichile mu chifuchi cha Kanana, yaya ku chifuchi chikwo kusuku ni mwanakwo Yakomba.

⁷ Mumu upite wo woka naye, kahashile kutwama hamuwika. Chifuchi kuze atwamine njize kuchaatele mumu ha yimuna.

⁸ Esau Watwamine ku mulundu wa Sere. Esau iye Endome.

⁹ Yisemuko ya Esau, tato ya A-Endome mu mulundu wa Sere, yino.

¹⁰ Ana ja Esau ku majina jo wano; Elifaze mwana wa Ata pwo lia Esau, ni Reuele mwana wa Mbazemate pwo lia Esau.

¹¹ Ana ja Elifaze wano; Temane, ni Omare, ni Zefwo, ni Ngatame, ni Kenaze.

¹² Timna wapwile *konkubina ya Elifaze mwana wa Esau. Iye yasema kuli Elifaze Amaleke. Wano e ana ja Ata pwo lia Esau.

¹³ Ana ja Reuele wano; Nahate, ni Zera, ni Shama, ni Miza. Wano e ana ja Mbazemate pwo lia Esau.

¹⁴ Ana ja Oholipama pwo lia Esau mwana wa Hana mwana wa Zepeone wano—yasema kuli Esau, Yeushe, ni Yalame, ni Kora.

¹⁵ Miata ja ana a malunga a Esau wano; ana ja Elifaze mwe mutangu wa Esau; mwata Temane, ni mwata Omare, ni mwata Zefwo, ni mwata Kenaze.

¹⁶ Ni mwata Kora, ni mwata Ngatame, ni mwata Amaleke wano te miata asemukine kuli Elifaze mu chifuchi cha Endome. O ana ja Ata.

¹⁷ Mba ana a malunga a Reuele mwana wa Esau, wano; mwata Nahate, ni mwata Zera, ni mwata Shama, ni mwata Miza. Miata wano asemukine kuli Reuele mu chifuchi cha Endome. O te ana a Mbazemate pwo lia Esau.

¹⁸ Mba ana a malunga a Oholipama pwo lia Esau wano; mwata Yeushe, ni mwata Yalame, ni mwata Kora. E miata asemukine kuli Oholipama pwo lia Esau, iye mwana wa Hana.

¹⁹ Wano e ana a malunga a-Esau waze apwa miata jo—munyachi wa Endome.

²⁰ Ana a malunga a Sere mwe Ka-Hore, e enya chifuchi, wano; Lotane, ni Shopale, ni Zepeone, ni Hana,

²¹ ni Ndishone, ni Ezere, ni Ndishane. E miata asemukine kuli A-Hore ana ja Sere mu chifuchi cha Endome.

²² Ana ja Lotane, wano; Hore ni Hemane, ni ndumbu ya Lotane jina lienyi Timna.

²³ Ana ja Shopale, wano; ni Alevwane, ni Manehate, ni Epale, ni Shefwo, ni Oname.

²⁴ Ni ana ja Zepeone, wano; ni Aya ni Hana. Yono Hana awanyine mafuji a meya a kahia mu puya shimbu alishile yimbulu a tato Zepeone.

²⁵ Ana ja Hana, wano; Ndishone, ni Oholipama mwana wa pwo wa Hana.

²⁶ Ana a Ndishone, wano; Hemendane, ni Eshepane, ni Iterane, ni Cherane.

²⁷ Ana ja Ezere, wano; Mbilane, ni Zaevwane, ni Akane.

²⁸ Ana ja Ndishane, wano; Uze ni Arane.

²⁹ Miata a ku munyachi wa A-Hore, wano; mwata Lotane, ni mwata Shopale, ni mwata Zepeone, ni mwata Hana,

³⁰ ni mwata Ndishone, ni mwata Ezere, ni mwata Ndishane. Wano e miata ja A-Hore nikulita ni minyachi yo mu chifuchi cha Sere.

³¹ Mianangana aze ayulile mu chifuchi cha Endome shimbu niumwe mwanangana kanda achiyula helu lia ana ja Izalele, wano;

³² Mbela mwana wa Mbeore wayulile mu Endome. Jina lia limbo lienyi, Ndihapa.

³³ Yafwa Mbela mba Jobaba mwana wa Zera wa ku Mbozera wamusalakanyine mu chiyulo.

³⁴ Yafwa Jobaba mba Hushame wa ku chifuchi cha A-Temane wamusalakanyine mu chiyulo.

³⁵ Yafwa Hushame mba Hadade mwana wa Mbenda wamusalakanyine mu chiyulo. Iye walambile A-Mindiane mu yana ya Moape. Jina lia limbo lienyi Avwite.

³⁶ Yafwa Hadade mba Samala wa ku Masereka wamusalakanyine mu chiyulo.

³⁷ Yafwa Samala mba Shaule wa ku Rehombote ku Lwiji wamusalakanyine mu chiyulo.

³⁸ Yafwa Shaule mba Mbale-henane mwana wa Akopore wamusalakanyine mu chiyulo.

³⁹ Yafwa Mbale-henane mwana wa Akopore mba Hadare wamusalakanyine, mu chiyulo. Jina lia limbo lienyi Pau. Jina lia mukwopwo Mehetapele mwana wa Metrende, mwana wa Mezahepe.

⁴⁰ Majina ja miata aze a ku munyachi wa Esau, wano; nikulita ni minyachi yo ni yifuchi yo, jina ni jina; mwata Timna, ni mwata Alavwa, ni mwata Yetete,

⁴¹ ni mwata Oholipama, ni mwata Ela, ni mwata Penone,

⁴² ni mwata Kenaze, ni mwata Temane, ni mwata Miza,

⁴³ ni mwata Mandiele, ni mwata Irame. Wano e miata a Endome nikulita ni kutunga cho mu chifuchi chize azukile. Mwe Esau kalamba ka A-Endome.