Ubutukilo 10 - MUKANDA USANDU WA ZAMBI 1975

¹ Yisemuko ya ana ja Noe a malunga yino; Sheme ni Hame ni Yafwe. O asemene ana kulutwe lia sanga lia meya.

² Ana ja Yafwe a malunga wano, Ngome, ni Mangoke, ni Matai, ni Yavwane, ni Tupale, ni Mesheke, ni Tita.

³ Ana ja Ngome a malunga wano, Akanase, ni Ripate, ni Tokama.

⁴ Ni ana ja Yavwane a malunga wano, Elisha, ni Tashi, ni Kitime, ni Ndotane.

⁵ Alitechelele mbaka ja mavungu hakachi ka wano mu yifuchi yo nikulita ni malimi jo ni minyachi yo ni mavungu jo.

⁶ Ni ana ja Hame a malunga wano, Kushe, ni Mizerane, ni Pute, ni Kanana.

⁷ Ana ja Kushe a malunga wano, Sepa, ni Havila, ni Satahe, ni Raema, ni Seteka. Ni ana ja Raema a malunga wano, Shipa ni Ndetane.

⁸ Kushe yasema Nimorote. Iye waputukile kupwa mukwa ndundo hashi.

⁹ Iye te chinyanga munene kumeso ja Yehova, kashika akwamba ngwo, Ngwe Nimorote chinyanga munene kumeso ja Yehova.

¹⁰ Uputukilo wa wanangana wenyi Mbapele, ni Ereke, ni Akate, ni Kalenehe mu chifuchi cha Shinare.

¹¹ Yakatukako, yaya ku chifuchi cha Asuria. Yatunga Ninive, ni Rehombote-Ire, ni Kala.

¹² Ni Resene hakachi ka Ninive ni Kala (lie limbo linene).

¹³ Mizerane yasema Lutime, ni Anamini, ni Lehapi, ni Naputuhi.

¹⁴ Ni Perushimi, ni Kaluhime, (kwenako kwakatukile A-Filistea) ni Kafetore.

¹⁵ Kanana yasema kapula-jimo Sendone, ni Hete,

¹⁶ ni A-Yepushe, ni A-Amore, ni A-Ngikashe,

¹⁷ ni A-Hevwe, ni A-Aki, ni A-Sini,

¹⁸ ni A-Arvada, ni A-Zemare, ni A-Hamate. Kulutwe lia chize minyachi ya A-Kanana yalitanda.

¹⁹ Njiza ya A-Kanana yachiza ku Sendone mu jila ya kutalikisa ku Ngerare, ndo ku Ngeza, mu jila ya kutalikisa ku Sondome ni Ngomora, ni Andama ni Zepoime ndo ku Lasha.

²⁰ Wano e ana ja Hame a malunga, nikulita ni minyachi, ni malimi, mu yifuchi yo, ni mavungu jo.

²¹ Kuli Sheme kalamba ka ana eswe a Epere iye te yayo ya Yafwe, kuli iye nawa kwasemukine ana.

²² Ana ja Sheme a malunga wano, Elame, ni Ashure, ni Apakasha, ni Lutu, ni Arame.

²³ Ana ja Arame a malunga wano, Uze, ni Hule, ni Ngete, ni Mashe.

²⁴ Apakasha yasema Shela. Shela yasema Epere.

²⁵ Kuli Epere kwasemukine ana aali a malunga. Jina lia umwe Pelege mumu ha matangwa jenyi alitechelele hashi. Jina lia mwanakwo Yokatane.

²⁶ Yokatane yasema Alamote, ni Shelepe, ni Hazamavwe, ni Jera,

²⁷ ni Handorame, ni Uzale, ni Ndikala,

²⁸ ni Opale, ni Apemaele, ni Shipa,

²⁹ ni Ofiri, ni Havila, ni Jobaba. Wano eswe te ana ja Yokatane a malunga.

³⁰ Chifuchi cho chapwile chize ku Mesha muze mutalikisa ku Sefa, chifuchi cha milundu ku Chivumbuko.

³¹ Wano e ana ja Sheme a malunga nikulita ni minyachi yo, ni malimi jo, mu yifuchi yo nikulita ni mavungu jo.

³² Wano e ana ja Noe a malunga nikulita ni yisemuko yo mu mavungu jo. Wano yalipulapula mavungu hashi kulutwe lia sanga lia meya.