Nehemia 7 - MUKANDA USANDU WA ZAMBI 1975

¹ Muze te hatunga chipanga-cha-mawe, hinamika mapito, ni akwa mapito ni njimba ni A-Levi hanaatongola,

² mba yingusela kuyula Yerusaleme mukwetu Hanani hamwe ni Hanania, nguvulu ya mbonge; mumu iye mutu wamwenemwene, wevwilile woma Zambi kuhiana akwo anji.

³ Nambile kuli ayo ngwami, Mapito a Yerusaleme kanda aazulula ndo tangwa hiliatwa mwalwa; shimbu tulayi aliko, ajile mapito nikwayika mbe ni njalo. Selenu tulayi a kuli A-Yerusaleme, mutu mweswe ni ulayi wenyi, mutu mweswe hatalanganyi ni zuwo lienyi mwene.

⁴ Chihunda chapwile chinene, chatoha: alioze atu akehe apwilemo, kanda atunga mazuwo.

⁵ Mba Zambi yami yasa mu mbunge yami kukungulula e alemu, ni akwa kuyula, ni atu akwo aasoneke nikulita ni yisemuko yo. Nawanyine mukanda wa yisemuko ya waze ejile hatangu, natanga chize chasonewenemo ngwo:

⁶ Wano akwa chifuchi waze akatukile ku unjize, te Nabukanezore, mwanangana wa Babilonia, hanaatwala; o yahiluka ku Yerusaleme ni Yunda, mutu mweswe ku chihunda chenyi.

⁷ Ejile ni Zorobabele, ni Yeshua, ni Nehemia, ni Azaria, ni Ramia, ni Nahamani, ni Mordekai, ni Bilesane, ni Mizepare, ni Bikavaia, ni Nehume, ni Bana. Kwalula cha malunga A-Izalele chino:

⁸ ana a Paroshe, tununu aali ni kulakaji ni makumi shimbiali ni aali.

⁹ Ana a Shefatia, kulakaji atatu ni makumi shimbiali ni aali.

¹⁰ Ana a Ara, kulakaji asambano ni makumi atano ni aali.

¹¹ Ana a Pahata-Moape, kuli ana a Yeshua ni Joabe, tununu aali ni kulakaji nake ni kumi ni nake.

¹² Ana a Elame, kanunu ni kulakaji aali ni makumi atano ni awana.

¹³ Ana a Zatu, kulakaji nake ni makumi awana ni atano.

¹⁴ Ana a Zakai, kulakaji shimbiali ni makumi asambano.

¹⁵ Ana a Binui, kulakaji asambano ni makumi awana ni nake.

¹⁶ Ana a Bebai, kulakaji asambano ni makumi aali ni nake.

¹⁷ Ana a Azegate, tununu aali ni kulakaji atatu ni makumi aali ni aali.

¹⁸ Ana a Adonikame, kulakaji asambano ni makumi asambano ni shimbiali.

¹⁹ Ana a Bikavaia, tununu aali ni makumi asambano ni shimbiali.

²⁰ Ana a Adine, kulakaji asambano ni makumi atano ni atano.

²¹ Ana a Atere, te a Hezekia, makumi livwa ni nake.

²² Ana a Hashume, kulakaji atatu ni makumi aali ni nake.

²³ Ana a Bezaia, kulakaji atatu ni makumi aali ni awana.

²⁴ Ana a Harifa, kulakaji ni kumi ni aali.

²⁵ Ana a Ngibeone, makumi livwa ni atano.

²⁶ Malunga a ku Mbeteleme ni Netofa, kulakaji ni makumi nake ni nake.

²⁷ Malunga a ku Anatote, kulakaji ni makumi aali ni nake.

²⁸ Malunga a ku Mbete-Azmave, makumi awana ni aali.

²⁹ Malunga a ku Kiriate-Yerimi ni Chefira ni Mberote, kulakaji shimbiali ni makumi awana ni atatu.

³⁰ Malunga a ku Rama ni Ngeba, kulakaji asambano ni makumi aali ni umuwika.

³¹ Malunga a ku Mikimashi, kulakaji ni makumi aali ni aali.

³² Malunga a ku Mbetele ni Ayi, kulakaji ni makumi aali ni atatu.

³³ Malunga a ku Nebo yikwo, makumi atano ni aali.

³⁴ Ana a Elame mukwo, kanunu ni kulakaji aali ni makumi atano ni awana.

³⁵ Ana a Harimi, kulakaji atatu ni makumi aali.

³⁶ Ana a Yeriku, kulakaji atatu ni makumi awana ni atano.

³⁷ Ana a Lode ni Hadide ni Ono, kulakaji shimbiali ni makumi aali ni umuwika.

³⁸ Ana a Sena, tununu atatu ni kulakaji livwa ni makumi atatu.

³⁹ Asasendote wano: ana a Jedaia, a munyachi wa Yeshua, kulakaji livwa ni makumi shimbiali ni atatu.

⁴⁰ Ana a Imere, kanunu ni makumi atano ni aali.

⁴¹ Ana a Pashure, kanunu ni kulakaji aali ni makumi awana ni shimbiali.

⁴² Ana a Harimi, kanunu ni kumi ni shimbiali.

⁴³ A-Levi wano: ana a Yeshua, ni Kamiele, kuli ana a Hodavia, makumi shimbiali ni awana.

⁴⁴ Njimba wano: ana a Asafwe, kulakaji ni makumi awana ni nake.

⁴⁵ Akwa mapito wano: ana a Shalume, ni ana a Atere, ni ana a Talmone, ni ana a Akube, ni ana a Hatita, ni ana a Shobai, kulakaji ni makumi atatu ni nake.

⁴⁶ A-Netinime wano: ana a Ziha, ni ana a Hasufa, ni ana a Tabaote,

⁴⁷ ni ana a Kerose, ni ana a Sia, ni ana a Padone,

⁴⁸ ni ana a Lebana, ni ana a Hagaba, ni ana a Shalmai,

⁴⁹ ni ana a Harane, ni ana a Gidele, ni ana a Gahare,

⁵⁰ ni ana a Reaia, ni ana a Rezine, ni ana a Nekoda,

⁵¹ ni ana a Gazame, ni ana a Uza, ni ana a Pasea,

⁵² ni ana a Besai, ni ana a Meunime, ni ana a Nefuseshime,

⁵³ ni ana a Bakabuke, ni ana a Hakufa, ni ana a Harure,

⁵⁴ ni ana a Bazelute, ni ana a Mehida, ni ana a Haresha,

⁵⁵ ni ana a Barkose, ni ana a Sisera, ni ana a Tema,

⁵⁶ ni ana a Nezia, ni ana a Hatifa.

⁵⁷ Ana a ngamba ja Solomone wano: ana a Sotai, ni ana a Soferete, ni ana a Perida,

⁵⁸ ni ana a Jala, ni ana a Darekone, ni ana a Gidele,

⁵⁹ ni ana a Shefatia, ni ana a Hatile, ni ana a Pokerete wa Zebaime, ni ana a Amone.

⁶⁰ A-Netinime eswe ni ana a ngamba ja Solomone, kulakaji atatu ni makumi livwa ni aali.

⁶¹ Wano nawa yaya, a ku Tela-Mela, ni Tela-Haresha, ni Kerube, ni Adone, ni Imere; alioze kahashile kusolola munyachi wa atato ni yisemuko yo, nyi apwile pundu A-Izalele:

⁶² ana a Ndelaia, ni ana a Tobia, ni ana a Nekoda, kulakaji asambano ni makumi awana ni aali.

⁶³ A kuli asasendote wano: ana a Habaia, ni ana a Koze, ni ana a Bazilai (yoze wambachile pwo wa kuli ana a Ka-Ngiliate Bazilai, mba amulukile jina lio).

⁶⁴ Wano afupile majina jo mu mukanda wa yisemuko, alioze kaawanyine: kashika aamwene ngwe a luchisa, aakatwishile ku usasendote.

⁶⁵ Mwe mukwa kuyula yamba kuli ayo ngwenyi, Kanda nulia ya yuma yisandu yahiana, ndo masoloka umwe sasendote ni Urimi ni Tumimi.

⁶⁶ Akwa chikungulwila eswe apwile makumi awana a tununu ni tununu aali ni kulakaji atatu ni makumi asambano,

⁶⁷ kuliwezela nawa ngamba jo a malunga ni a mapwo, ngwami, tununu shimbiali ni kulakaji atatu ni makumi atatu ni shimbiali; ni njimba apwile no, malunga ni mapwo, te kulakaji aali ni makumi awana ni atano.

⁶⁸ Tuvwalu two, kulakaji shimbiali ni makumi atatu ni asambano; ni mula jo, kulakaji aali ni makumi awana ni atano;

⁶⁹ ni tumelu, kulakaji awana, ni makumi atatu ni atano; yimbulu, tununu asambano ni kulakaji shimbiali ni makumi aali.

⁷⁰ Akwa lutwe amwe mu minyachi ya atato yalambula ha milimo. Mwe mukwa kuyula yahana upite, te kanunu ka mbongo ja oru, ni makumi atano a mbasia, ni kulakaji atano ni makumi atatu a uzalo wa asasendote.

⁷¹ Akwa lutwe amwe mu minyachi ya atato yahana upite ha milimo, makumi aali a tununu a mbongo ja oru, ni tununu aali ni kulakaji aali a libra ja prata.

⁷² Mba atu akwo yahana makumi aali a tununu twa mbongo ja oru, ni tununu aali a libra ja prata, ni makumi asambano a uzalo wa asasendote ni uzalo shimbiali.

⁷³ Asasendote, ni A-Levi, ni akwa mapito, ni njimba, ni chihanda cha atu, ni A-Netinime, ni A-Izalele eswe atwama mu yihunda yo. Ha kuheta kakweji wamuchishimbiali A-Izalele eswe apwile mu yihunda yo.