Nehemia 11 - MUKANDA USANDU WA ZAMBI 1975

¹ Alemu ja atu atwamine mu Yerusaleme; mba atu akwo atele chela nawa akanehe umwe wa hakachi ka kumi, akatwame nawa mu Yerusaleme, chihunda chisandu. Yihanda livwa akatwame mu yihunda yikwo.

² Mba atu yawahisa malunga aze eswe alihanyine ni mbunge yeswe kutwama mu Yerusaleme.

³ Wano e alemu a chifuchi atwamine mu Yerusaleme, alioze mu yihunda ya Yunda mutu mweswe Watwamine mu chihinga chenyi, mu chihunda chenyi—A-Izalele, asasendote, ni A-Levi, ni A-Netinime, ni atu ja ngamba ja Solomone.

⁴ Mu Yerusaleme mwatwamine amwe a kuli A-Yunda ni A-Mbenjamine. A-Yunda wano, Ataia mwana Uzia, mwana Zekaria, mwana Amaria, mwana Shefatia, mwana Mahalale kuli ana ja Pereze.

⁵ Ni Maseia mwana Baruke, mwana Kole-hoze, mwana Hazaia, mwana Adaia, mwana Joaribe, mwana Zekaria, mwana wa Ka-Shilone.

⁶ Ana eswe a malunga a Pereze atwamine mu Yerusaleme, kulakaji awana ni makumi asambano ni nake a malunga akwa hamu.

⁷ A-Mbenjamine wano: Salu mwana Meshulame, mwana Joede, mwana Pedaia, mwana Kolaia, mwana Maseia, mwana Itiele, mwana Jesaia.

⁸ Kulutwe lienyi Gabaia ni Salaia—kulakaji livwa ni makumi aali ni nake.

⁹ Joele mwana Zikiri, iye kalayi ko, ni Yunda mwana Hasenua aye wamuchiali ha chihunda.

¹⁰ Kuli asasendote, Jedaia mwana Joaribe, ni Yakine,

¹¹ ni Seraia, mwana Hilekia, mwana Meshulame, mwana Zadoke, mwana Meraiote, mwana Ahitube, mukwa kuyula zuwo lia Zambi.

¹² Usoko wo waze alingile milimo ya zuwo, kulakaji nake ni makumi aali ni aali; ni Adaia, mwana Jerohame, mwana Pelalia, mwana Amazi, mwana Zekaria, mwana Pashure, mwana Malekia,

¹³ ni usoko wenyi akwa lutwe mu minyachi ya atato, kulakaji aali ni makumi awana ni aali; ni Amashai, mwana Azarele, mwana Ahazai, mwana Meshilimote, mwana Imere,

¹⁴ ni usoko wo akwa tachi ni hamu, kulakaji ni makumi aali ni nake. Kalayi ko Zabadele mwana Hagedolime.

¹⁵ Kuli A-Levi, Shemaia mwana Hasube, mwana Azrikame, mwana Hashabia, mwana Buni;

¹⁶ ni Shabetai, ni Jozabade hakachi ka akwa lutwe ja A-Levi, tulayi twa milimo ya haze lia zuwo lia Zambi.

¹⁷ Ni Matania mwana Mika, mwana Zapati, mwana Asafwe, mukwa lutwe kusongwela kusakwila ni kulemba, ni Bakubukia wamuchiali hakachi ka usoko wenyi; ni Abada mwana Shamua, mwana Ngalale, mwana Yedutune.

¹⁸ A-Levi eswe mu chihunda chisandu apwile kulakaji aali ni makumi nake ni awana.

¹⁹ Chikwo nawa akwa mapito Akube, ni Talmone, ni usoko wo, akwa kulayila mapito, o kulakaji ni makumi shimbiali ni aali.

²⁰ Mba waze akwo hakachi ka A-Izalele, asasendote, ni A-Levi, o eswe apwile mu yihunda yeswe ya Yunda, mutu mweswe mu chihinga chenyi.

²¹ Alioze A-Netinime atwamine mu Ofele. Akwa kuyula A-Netinime te Ziha ni Gispa.

²² Kalayi ka A-Levi mu Yerusaleme, Uzi mwana Mbani, mwana Hashabia, mwana Matania, mwana Mika, ana ja Asafwe, njimba helu lia milimo ya zuwo lia Zambi.

²³ Mumu kwapwile shimbi ya mwanangana hali ayo, ni mbongo ja kufunjika hali njimba tangwa ha tangwa.

²⁴ Petahia mwana Meshezabele, kuli ana ja Zera mwana Yunda, wapwile ku kwoko lia mwanangana mu yuma yeswe ya kutwala kuli e atu.

²⁵ Ha yihunda ni minda yayo, amwe a kuli A-Yunda atwamine mu Kiriate-Arpa ni yihunda yako, ni mu Ndibone ni yihunda yako, ni mu Jekabazele ni yihunda yako;

²⁶ ni mu Yeshua, ni mu Molada, ni mu Mbete-Pelete,

²⁷ ni mu Haza-Shuale, ni mu Mbia-shipa ni yihunda yako;

²⁸ ni mu Zikalage, ni mu Mekona, ni yihunda yako;

²⁹ ni mu Ene-rimone, ni mu Zarea, ni mu Yaramuta;

³⁰ Zanoa, ni Ndulame ni yihunda yako, ni Lakishi ni minda yako, ni Azeka ni yihunda yako. Chocho asele yilombo chize ku Mbia-shipa ndo ku chikulo cha Hinome.

³¹ A-Mbenjamine atwamine kulutwe lia Ngeba ku Mikimashi ni Aija, ni ku Mbetele ni yihunda yako;

³² ni ku Anatote ni Nobe, ni Anania;

³³ ni Hazore, ni Rama, ni Ngitame;

³⁴ ni Hadide, ni Zepoime, ni Nebalate;

³⁵ ni Lode, ni Ono, che chikulo cha yilangaji.

³⁶ Kuli A-Levi ngango jimwe mu Yunda yijilifutula ni A-Mbenjamine.