Miaso (Masamu) 99 - MUKANDA USANDU WA ZAMBI 1975

¹ Yehova kanayulu, mavungu ja atu akachikime. Katwama hakachi ka akerupime, hashi heswe hakanyike.

² Yehova iye munene mu Zaione; wanangama helu lia mavungu eswe a atu.

³ Akachichimieke jina lie linene lia woma, mumu Hapwa lisandu.

⁴ Tachi ja mwanangana jakuzanga upatwilo. Yena kuwakukolesa chize chinalite, kuwakupatula ni ululi muli Yakomba.

⁵ Nangamisenu Yehova Zambi yetu. Wayilenu ku chitwamo cha yiliato yenyi, mumu iye musandu.

⁶ Mose ni Arone hakachi ka asasendote jenyi, ni Samuel hakachi ka waze atambikile ha jina lienyi. Atambikile kuli Yehova iye waakumbulwile.

⁷ Wahanjikile kuli ayo mu nguji lia lelwa, o afungile Shindakenyo yenyi ni shimbi yize waahele iye.

⁸ Yehova Zambi yetu, yena waakumbulwile; yena wapwile Zambi mukwa kwakonekena, chipwe wapwile mukwa kwalambila yilinga yo.

⁹ Nangamisenu Yehova Zambi yetu, nukawayile ku mulundu wenyi usandu, mumu Yehova Zambi yetu iye musandu.