Miaso (Masamu) 97 - MUKANDA USANDU WA ZAMBI 1975

¹ Yehova kanayulu, hashi hakalikwize, ni mbunga ya matungu akawahilile.

² Malelwa ni milima yamujingilika. Ululi ni upatwilo yapwa ngwe fundamentu ya ngunja yenyi.

³ Kahia kakumutetekela nikwocha akwa kulimika nenyi waze anamujingilika.

⁴ Mihenyo yenyi yapangulwishile yifuchi yeswe. Hashi hachimwene nikuchikima.

⁵ Milundu yasangunukine ngwe sela kumeso ja Yehova; kumeso ja Mwene wa hashi heswe.

⁶ Malilu anambujola ululi wenyi ni mavungu eswe hanamono ulemu wenyi.

⁷ Waze eswe akulingila tuponya twa kwola ni waze eswe akulisamba ni mahamba akevwe sonyi. Muwayilenu, enu mazambi eswe.

⁸ Zaione wachivwile nikuwahilila. Ana ja Yunda evwile chiseke mumu ha upatwilo wa yena Yehova.

⁹ Mumu yena Yehova watunda helu lia hashi heswe. Wanangama kuhiana mazambi eswe.

¹⁰ Yenu eswe nwakuzanga Yehova vwilenu lwaji yuma yipi. Kakufunga mwono wa asandu jenyi, kakwapulula ku kwoko lia chingulungulu.

¹¹ Kakukuwila pangu akwa ululi. Kakumwangina uwahililo waze alulama mu mbunge.

¹² Wahililenu muli Yehova, enu akwa ululi, nikusakwilila jina lienyi lisandu.