Miaso (Masamu) 93 - MUKANDA USANDU WA ZAMBI 1975

¹ Yehova kanayulu. Hazala uhenya wa mwanangana. Yehova hazala; halijichika tachi. Hashi hanahajikijisa kuheshi kulinyika.

² Ngunja ye hanayikolesa ku shakulu. Yena uli wa ku miaka ya mutolo.

³ Yehova, masanga a meya hanazunduka, masanga a meya hanazunduka ni liji lio, masanga a meya hanazundula mikanya yo.

⁴ Helu lia maliji a meya anji; helu lia mikanya ya tachi ya kalunga-lwiji, Yehova iye mukwa ndundo mwilu.

⁵ Shindakenyo je kujakola ngú. Usandu kuwatela zuwo lie, Yehova, ndo ku miaka ya mutolo.