Miaso (Masamu) 87 - MUKANDA USANDU WA ZAMBI 1975

Samu lia ana a Kora. Mwaso.

¹ Fundamentu jenyi jili mu milundu yisandu.

² Yehova kakuzanga yajilo ya Zaione kuhiana mazuwo eswe a Yakomba.

³ Limbo lia Zambi, ha kutwala kuli yena yuma ya ulemu akwamba.(Litulike.)

⁴ Munguvuluka Rahape ni Babilonia hakachi ka waze anangunyingika. Enu A-Filistea, ni A-Teru, ni Etiopia, talenu, yono wasemukineko.

⁵ Ewa, ha kutwala kuli Zaione machamba ngwo, Sanganji ni Sanganji wasemukineko. Mwe Chitunda mwene makolesako.

⁶ Yehova malula muze masoneka atu ngwenyi, Yono wasemukineko.(Litulike.)

⁷ Ni akwa kwimba ni akwa kuhangana mamba ngwo, Mafuji jami a meya, eswe atwama muli yena.