Miaso (Masamu) 84 - MUKANDA USANDU WA ZAMBI 1975

¹ Yehova-wa-Tujita, mbalaka je cho kuwaha!

² Mbunge yami kuyakuvwila usona yize ya Yehova, chipwe kulezumuka kuyakulezumuka. Ni mbunge yami ni musunya wami kuyakuteta kuli mwe Zambi ya mwono.

³ Chipwe ndalamusepe haliwanyina zuwo, ni kapiasa haliwanyina chaswa kuze masela ana jenyi, chipwe yilumbilo ya yena Yehova-wa-Tujita, Mwanangana wami kanda Zambi yami.

⁴ Kawaha waze atwama mu zuwo lie, machikuhalisa.(Litulike.)

⁵ Kawaha yoze uli ni tachi jenyi muli yena; yikoka ya kuya ku Zaione mu mbunge yenyi yili.

⁶ Ha kupalika ku chikulo cha Kulila kakuchipwisa chihela cha mashima, ewa, chipwe vula musazu kakuchifuka ni yiwape.

⁷ Kakuya chize ku tachi ndo ku tachi. Eswe lukombo kakusoloka kumeso ja Zambi mu Zaione.

⁸ Yehova Zambi-wa-Tujita ivwa kama kulemba chami. Panjika kama, ena Zambi ya Yakomba.(Litulike.)

⁹ Zambi lukepwe wetu, tala kama; tala ha meso ja yoze wamuwayishile ni maji.

¹⁰ Mumu tangwa limuwika lia mu yize ye liahiana kanunu. Kuli yami Shinaho kupwa mukwa kufunga pito mu zuwo lia Zambi; kutwama mu mbalaka ja ungulungulu ka.

¹¹ Mumu Yehova Zambi iye tangwa; iye lukepwe. Yehova mahana vumbi ni ulemu. Nichimwe chuma chipema mamina waze akwenda ni ululi.

¹² Yehova-wa-Tujita, kawaha yoze wakukufuliela. Kuli Njimba mukwa lutwe. Samu lia ana a Kora.