Miaso (Masamu) 8 - MUKANDA USANDU WA ZAMBI 1975

¹ Yehova Mwene wetu, jina lie liahiana ulemu hashi heswe. Hiwasa uhenya we helu lia malilu!

² Ku makanwa ja ana-akemba ni akwa kwamwa hiwakolesa ngolo, mumu hali waze akulimika ni yena, hanga uholese akwa kole ni akwa kukala.

³ Shimbu mungutala malilu, che chitanga cha minwe ye; kakweji ni matongonoshi aze walulikile;

⁴ Mutu kuchi apwa ukamunyongene yena? Hanji mwana mutu, kuchi apwa ukamunangise?

⁵ Mumu hiwangupwisa kushi lia angelo hakepe wika. Hiwamusa chipangula cha uhenya ni ulemu.

⁶ Wamwaha chiyulo ha yitanga ya moko je; hiwasa yuma yeswe kushi lia yiliato yenyi.

⁷ Ni mapanga eswe, ni ngombe eswe, ewa, ni tushitu eswe a mu yambu.

⁸ Ni tujila eswe a mu tetela, ni yishi a mu kalunga-lwiji, cheswacho chakupalika mu majila a kalunga-lwiji.

⁹ Yehova Mwene wetu, jina lie liahiana ulemu hashi heswe. Kuli Njimba mukwa lutwe. Ha Mute-Lambene. Samu lia David.