Miaso (Masamu) 70 - MUKANDA USANDU WA ZAMBI 1975

Kuli Njimba mukwa lutwe. Samu lia David lia kwiwulula.

¹ Zambi, tambuka kama ungupulule. Yehova tambuka ungukwase.

² Waze akufupa mwono wami akevwe sonyi, alitupieke. Ukaahilwise kunyima, ukaalelese waze akuwahilila ha yikola yami.

³ Waze akwamba ngwo, Elé! Elé! akahiluke kunyima mumu ha sonyi jo.

⁴ Waze akukufupa akawahilile, akevwe chiseke muli yena. Waze akuzanga ulamwino we akambambe ngwo, Zambi atohe.

⁵ Alioze nguli chiswale kanda mukwa kuhona. Zambi, tambuka kama ungukwase. Yena uli chikwashi chami kanda mukwa kungupulula. Yehova kanda ushimbula kama!