Miaso (Masamu) 67 - MUKANDA USANDU WA ZAMBI 1975

Kuli Njimba mukwa lutwe ha tulialia a kusa. Samu. Mwaso.

¹ Zambi atuvwile vumbi, atuwahise, apangwise meso jenyi hali yetu.(Litulike.)

² Hanga akanyingike jita ye hano hashi, ni ulamwino we hakachi ka mavungu eswe.

³ Atu akuhalise yena Zambi. Atu eswe akuhalise.

⁴ Mavungu akawahe; akembe ni chiseke, mumu yena mupatwita atu ni ululi. Mukayula mavungu hano hashi.(Litulike.)

⁵ Atu akuhalise yena Zambi. Atu eswe akuhalise.

⁶ Mavu a hashi makema tachi jaho; ni Zambi, iye Zambi ya yetwene, matuwahisa.

⁷ Zambi matuwahisa, atu eswe ndo ku masongo a hashi mamuvwila woma.