Miaso (Masamu) 61 - MUKANDA USANDU WA ZAMBI 1975

Kuli Njimba mukwa lutwe ha chisaji cha kusa. Samu lia David.

¹ Zambi ivwa kama muteto wami. Panjika kama ku kulemba chami.

² Chize ku songo lia hashi mungutambika kuli yena, muze mbunge yami muyilezumuka. Ungutwale kama ku liwe lize Hanguhiana kusuha.

³ Mumu yena kuwapwa chiswamo chami, kanda kaposhi wa tachi wa kungufunga kuli akwa kole.

⁴ Mungutwama mu mbalaka ye ku miaka ya mutolo; munguswama mushi lia mapulwa je.(Litulike.)

⁵ Mumu yena Zambi hiwevwa yilakenyo yami, hiwangwaha chihinga cha waze akuvwila woma jina lie.

⁶ Kumukasuhisa mwono wa mwanangana. Miaka yenyi muyikapwa ngwe yisemuko yinji.

⁷ Iye kumakatwama kumeso ja Zambi ku miaka ya mutolo. Lulika kama utu wa zango lie ni umwenemwene we yikamulamwine.

⁸ Chocho mungwimba uhaliso ku jina lie ku miaka ya mutolo, hanga ngukamanunune yilakenyo yami tangwa ha tangwa.