Miaso (Masamu) 56 - MUKANDA USANDU WA ZAMBI 1975

Kuli Njimba mukwa lutwe. Ha Yonateeleme-rehokimi. Samu lia David. Mikatame: muze A-Filistea amukwachile mu Ngata.

¹ Zambi, nguvwile kama vumbi, mumu atu kanazange kungulia. Tangwa lieswe nganganga kakwasa jita nikungupinjisa.

² Akwa kole jami kanazange kungulia tangwa lieswe nganganga. Mumu waze akwasa jita ni yami nikulengumuka te anji.

³ Muze mungwivwa woma mungukufuliela yena.

⁴ Muli Zambi munguhalisa liji lienyi. Muli Zambi hingunase Ufulielo wami, chichi kevwa woma. Akwa musunya yika mangulinga?

⁵ Tangwa lieswe nganganga kakuhengesa maliji jami. Manyonga jo eswe akulimika ni yami ha chipi.

⁶ Kakulikungulula, kakuswama, kakutala ngano jami. Chocho akujikinyina mwono wami.

⁷ Te kumomboka ni uhenge nyi? Zambi, ni utenu nunguna atu.

⁸ Yena wakwalula kwendangana chami. Sako kama masoji jami mu mulangi we. Te mu mukanda we keshimo, nyi?

⁹ Mba akwa kole jami makahiluka kunyima tangwa lize mungutambika. Chino ngunanyingika ngwami, Zambi ha sali lia yami ali.

¹⁰ Muli Zambi munguhalisa liji lienyi: muli Yehova munguhalisa liji lienyi.

¹¹ Muli Zambi hingunase Ufulielo wami, chichi kevwa woma. Atu yika mahasa kungulinga?

¹² Zambi, yilakenyo ye yili hali yami. Mungukwaha milambu ya kusakwila.

¹³ Mumu hiwapulula mwono wami ku kufwa. Te kwapulwile yiliato yami ku kulimbuka, nyi? Hanga ngukende kumeso ja Zambi mu pangu lia akwa mwono.