Miaso (Masamu) 48 - MUKANDA USANDU WA ZAMBI 1975

Mwaso. Samu lia ana a Kora.

¹ Yehova iye munene, amuhalise mwimbo lia Zambi yetu, ha mulundu wenyi usandu.

² Mulundu wa Zaione wapwa uwahililo wa hashi heswe wapema chikolo nikunangama, sali lia ku Norte, limbo lia mwanangana munene.

³ Zambi hanalisolola mu mazuwo ja mwanangana ngwe iye uchinyino unene.

⁴ Mumu mianangana alikungulwile; apalikile hamuwika.

⁵ Amweneko kashika akomokene. Alipikalile, achinyine ni woma.

⁶ Kuchikima chaakwachile kwenako; kupinda ngwe kufumbajala cha pwo.

⁷ Hiwashiha mato a Tashi ni fuji ya ku Chivumbuko.

⁸ Chocho twevwa, chocho twamo na, mwimbo lia Yehova-wa-Tujita, mwimbo lia Zambi yetu. Zambi hanalikolesa lia mutolo.(Litulike.)

⁹ Yena Zambi hitwanyonga ha utu wa zango lie muchima lia tembele ye.

¹⁰ Ngwe jina lie lili hashi heswe Zambi, chocho nawa kakukuhalisa hashi heswe. Kwoko lie lia chindume Hazala tò ni ululi.

¹¹ Mulundu wa Zaione Ukawahe; ana ja Yunda ja mapwo akawahilile, mumu ha upatwilo we.

¹² Endenu kweswe mu Zaione, nukajingemo, alulenu tuposhi twamo.

¹³ Nutale kanawa yipanga yamo; nuzewule mazuwo jamo ja mianangana hanga nukachambulule ku chisemuko muchizaho.

¹⁴ Mumu Zambi yono Zambi yetu ndo ku miaka yeswe ya mutolo. Iye kumapwa kasongo ketu ndo ku kutwa.