Miaso (Masamu) 42 - MUKANDA USANDU WA ZAMBI 1975

MUKANDA

Kuli Njimba mukwa lutwe. Masakile ya ana a Kora.

¹ Ngwe kapaji akuhwimashana ha kufupa yitwetwe ya meya, chocho mbunge yumi kuyakuhwimashana nikukufupa yena Zambi.

² Mbunge yami kuyakwivwa pwila ya Zambi, mwe Zambi ya mwono. Tangwa lika munguheta ngukasoloke kumeso ja Zambi?

³ Masoji jami hanalumuka kulia chami mwalwa ni ufuku, shimbu mambamba kuli yami ngwo, Zambi ye kulihi ali?

⁴ Yuma yino nakuyiwuluka nikutehuna mbunge yami muchima liami, chize nayile ni mbunga nikwatetekela ku zuwo lia Zambi ni liji lia uwahililo ni uhaliso; te chendo cha atu analingi chiwanyino.

⁵ Mbunge yami, yika unahongela? Kuchi te unapinji muli yami? Talatala kuli Zambi, mumu mungwiza kumuhalisa ha kungukwasa kumeso jenyi.

⁶ Zambi yami, mbunge yami yinahongo muchima, kashika nakukwiwuluka chize ku chifuchi cha Yordau, ni ku Hermone, ni ku mulundu wa Miza.

⁷ Jondo yakutambika ku jondo ha lundunjila wa yipupa ye. Mikanya ye yeswe ni kufuza che cheswe hichapalika hali yami.

⁸ Hindu Yehova matuma utu wa zango lienyi ha mwalwa; ha ufuku mwaso wenyi mungupwa nawo, ewa, che kulemba kuli Zambi ya mwono wami.

⁹ Mungwamba kuli Zambi liwe liami ngwami, Kuchi te wanguvulama? Kuchi te nakulishimwoka mumu ha kupinjisa cha akwa kole?

¹⁰ Ngwe katana mu yifwaha yami akwa kulimika kakunguchoka shimbu mambamba kuli yami ngwo, Zambi ye kulihi ali?

¹¹ Mbunge yami, yika unahongela? Kuchi te unapinji muli yami? Talatala kuli Zambi, mumu mungwiza kumuhalisa, iye chikwashi cha ku meso jami kanda Zambi yami.