Miaso (Masamu) 34 - MUKANDA USANDU WA ZAMBI 1975

Samu lia David; muze aliongele uzaluke kumeso ja Apimeleke mba yamuhuma, yaya.

¹ Mungufumanyisa Yehova ha miaka yeswe; uhaliso wenyi muutwama mu kanwa liami tangwa ha tangwa.

² Mbunge yami muyilisamba muli Yehova; yimbovu machivwa, mawahilila.

³ Chichimiekenu Yehova hamwe ni yami, tunangamisenu jina lienyi hamuwika.

⁴ Nafupile Yehova, iye wangukumbulwile, mba wangupulwile ku woma wami weswe.

⁵ Atalile kuli iye mba waapangulwile. Meso jo kechi kaakolesa sonyi nilimwe tangwa.

⁶ Chiswale yono yateta, Yehova yamwivwa, yamupulula ku lamba lienyi lieswe.

⁷ Mungelo wa Yehova kakutunga chilombo chenyi cha kujingilika waze akumuvwila woma, kakwapulula.

⁸ Panjikenu nukambe ngwenu, Yehova iye mupema; kawaha mweswe maswama muli iye.

⁹ Vwilenu woma Yehova, yenu asandu jenyi; mumu waze mamuvwila woma kechi kahona.

¹⁰ Mievu ja ndumba kakuhona nikwivwa zala, alioze waze akufupa Yehova kechi kuhona nichimwe chuma chipema.

¹¹ Enu ana tweyenu nungwivwe, mba mungunulongesa woma wa Yehova.

¹² Mutu iya yoze wakuzanga mwono ni matangwa anji hanga amone yipema?

¹³ Funga limi lie ku yipi. Mivumbo ye kanda yihanjika kalimbalimba.

¹⁴ China yipi, ulinge yipema. Fupa sambukila ukayihange.

¹⁵ Meso a Yehova katala kuli akwa ululi. Matwi jenyi kajikuka ku muteto wo.

¹⁶ Meso a Yehova kalimika ni waze alingalinga yipi, akatete Chiwulwiso cho hano hashi.

¹⁷ Akwa ululi yateta, Yehova yevwa, yaapulula ku lamba lio lieswe.

¹⁸ Yehova katwama hehi ni waze amakuka mbunge. Kakulamwina waze akwete Spiritu ya kupihilila.

¹⁹ Mukwa ululi luyinda munji akwete, alioze Yehova kakumupulula ku luyinda wenyi mweswe.

²⁰ Kakufunga yifwaha yenyi, chipwe chimuwika kuchamakukine.

²¹ Yipi muyikashiha yingulungulu, waze akuvwila kole akwa ululi kumakahia.

²² Yehova kakukula mwono wa tuvumbi twenyi. Hakachi ka waze maswama muli iye niumwe mahia wakuhi. Samu lia David.