Miaso (Masamu) 30 - MUKANDA USANDU WA ZAMBI 1975

¹ Mungukwalakana, yena Yehova, mumu hiwanguzundula; kwatayijile akwa kole jami kunguseha.

² Yehova Zambi yami, natetele kuli yena ni yena wanguwukile.

³ Yehova, yena wachijile mwono wami ku Shiole. Wangulingile ni mwono kuchina mungupalumuka ku mbongo.

⁴ Imbenu uhaliso kuli Yehova, yenu eswe asandu jenyi. Sakwilenu ku jina lienyi lisandu.

⁵ Mumu utenu wenyi wa shimbu likepekepe wika, vumbi lienyi mulipwa lia miaka yeswe ya mwono wetu. Hanji malilo mapwa ha ufuku, alioze ha chimenemene uwahililo muwiza.

⁶ Yami nambile ha mwaka wa kuyuka, ngwami, Chichi kukokoloka nilimwe tangwa.

⁷ Yena Yehova mu vumbi lie wajikijishile mulundu wami. Waswekele meso je, mba nalipikalile.

⁸ Natetele kuli yena Yehova; kuli Yehova nalembele.

⁹ Kufumbuka chika muchikapwa mu manyinga jami muze mungupalumuka ku mbongo? Te fufuta muyikuhalisa? Muyihasa kwambulula umwenemwene we?

¹⁰ Ivwa kama, yena Yehova, unguvwile vumbi. Yehova, upwe chikwashi chami.

¹¹ Hiwangwalumwina kulila chami kuhangana. Hiwanguzula chikeleyi chami, hiwangujika uwahililo.

¹² Hanga uhenya wami ukembe uhaliso kuli yena nikuhola ka. Yehova Zambi yami mungukusakwila ku miaka ya mutolo. Kuli Njimba mukwa lutwe. Samu lia David.