Miaso (Masamu) 3 - MUKANDA USANDU WA ZAMBI 1975

¹ Yehova, akwa kole jami hoka naye! Anji anangukatukila.

² Anji kakwamba ha kutwala kuli yami ngwo, Ulamwino wakuhi hali iye muli Zambi. (Litulike.)

³ Alioze yena Yehova, uli lukepwe wa kungujingilika, uli ulemu wami, uli mukwa kuhetula mutwe wami.

⁴ Nakuteta kuli Yehova ni liji liami, iye kumangukumbulula ku mulundu wenyi usandu. (Litulike.)

⁵ Nakupomba, nakuya tulo, nakulaula mumu Yehova kakungufunga.

⁶ Chishi kwivwa woma wa tununu twa atu aze akunguseleka.

⁷ Katuka Yehova. Ngulamwine Zambi yami. Mumu hiunalambe akwa kole jami eswe ha lumbangachi, hiunapukula mazo ja yingulungulu.

⁸ Ulamwino wapwa wa kuli Yehova. Uwape we upwe hali atu je. (Litulike.) Kuli Njimba mukwa lutwe. Ha tulialia a kusa. Samu lia David.