Miaso (Masamu) 29 - MUKANDA USANDU WA ZAMBI 1975

¹ Hanenu kuli Yehova, yenu ana ja mukwa ndundo; hanenu kuli Yehova ulemu ni tachi.

² Hanenu kuli Yehova ulemu uze unalite ni jina lienyi. Wayilenu Yehova mu upeme wa usandu.

³ Liji lia Yehova linahiohio ha meya; Zambi ya ulemu kanakulunguza; Yehova kanahiohio ha meya anji.

⁴ Liji lia Yehova ndundo Ukwete; liji lia Yehova Hazala tò ni ulamba.

⁵ Liji lia Yehova kuliakupula mitondo ya misedru. Ewa, Yehova kakupatwola tuyipinji misedru ja mu Lebano.

⁶ Iye kakuyisambisa ngwe mwana-ngombe; chipwe Lebano ni Sirione kakusamba ngwe ana ja mbau.

⁷ Liji lia Yehova kuliakupula milengi ya kahia.

⁸ Liji lia Yehova kuliakunyikisa puya; Yehova kakunyikisa puya ya Kandeshe.

⁹ Liji lia Yehova kuliakusemesa kai, kuliakuhulula misenge. Mu tembele yenyi yuma yeswe kuyakwamba ngwo, Ulemu!

¹⁰ Ku sanga lia meya Yehova Watwamine ngwe mwanangana. Ewa, katwama ngwe mwanangana wa mutolo.

¹¹ Yehova mahana tachi kuli atu jenyi. Yehova mawahisa atu jenyi ni sambukila. Samu lia David, mwaso awimbile ha kusela ku usandu lie zuwo.