Miaso (Masamu) 21 - MUKANDA USANDU WA ZAMBI 1975

¹ Mwe mwanangana mawahilila mu tachi je, Yehova; kumawahilila chimwe mu ulamwino we!

² Hiwamwaha chize mbunge yenyi yazangile, kwamuminyine chize echile ni mivumbo yenyi.(Litulike.)

³ Mumu hiwamupatwiza ni uwape wa yuma yipema; hiwamusa chipangula cha oru yipema ha mutwe wenyi.

⁴ Wakwichile mwono, wamuhelewo; ewa, kusuha cha matangwa ku miaka ya mutolo.

⁵ Uhenya wenyi unene mumu ha ulamwino we; ulemu ni ulamba wakusa hali iye.

⁶ Mumu wakumu wahisa ku miaka ya mutolo; hiwamwaha chiseke cha uwahililo kumeso je.

⁷ Mumu mwanangana kafuliela Yehova. Mumu ha utu wa zango lia mwe Chitunda kechi kukokoloka.

⁸ Kwoko lie kumulikawana akwa kole je eswe; kwoko lie lia chindume mulikawana waze akukuvwila kole.

⁹ Kumukaapwisa ngwe lutengo wa kahia ha tangwa lia utenu we; Yehova kumakaazemwina mu ufwatulo wenyi, kahia mukakaalesa.

¹⁰ Ana jo kumukaonwona hashi; munyachi wo kumukawonwona hakachi ka ana ja atu.

¹¹ Mumu ahalile chipi cha kulimika ni yena; atakile uhuka uze kahashile kuumanununa.

¹² Mumu yena kumakatewulula manyima jo, mba kumukalulika kusa je kumeso jo.

¹³ Yehova ukanangame mu tachi je; chocho mutwimba nikuhalisa ndundo je. Kuli Njimba mukwa lutwe. Ausele ku Kai wa chimenemene. Samu lia David.