Miaso (Masamu) 20 - MUKANDA USANDU WA ZAMBI 1975

¹ Yehova akukumbulule mu tangwa lia lamba. Jina lia Zambi ya Yakomba likuzundule kwilu.

² Akutumine kukwasa cha mu muma musandu, akutakamise ni tachi ja ku Zaione.

³ Akewuluke milambu ye yeswe; atambule yitapo ye ya kulumba.(Litulike.)

⁴ Akwehe chize unazange mu mbunge ye; akamanunune yiyulo ye yeswe.

⁵ Kumutukumba mu ulamwino we; mu jina lia Zambi yetu mutujika mbandeira jetu. Yehova akulinge cheswacho unamwichi.

⁶ Haliapwila ngunanyingika ngwami, Yehova Kakulamwina yoze hanamuwayisa ni maji. Mamukumbulula ku malilu jenyi asandu ni tachi ja kulamwina ja ku chindume chenyi.

⁷ Amwe kakufuliela matemba, amwe tuvwalu, alioze yetu mutuvulwoka jina lia Yehova Zambi yetu.

⁸ O hanahetama, hanalimbuka: alioze yetu hitwahinduka, tunamana ngú.

⁹ Yehova lamwina kama. Mwe mwanangana atukumbulule muze mututambika. Kuli Njimba mukwa lutwe. Samu lia David.