Miaso (Masamu) 15 - MUKANDA USANDU WA ZAMBI 1975

¹ Yehova, iya matwama mu mbalaka ye? Iya matunga ha mulundu we usandu?

² Yoze wakwenda keshi chitela; yoze wakulinga ululi: yoze wakuhanjika umwenemwene ku mbunge yenyi.

³ Yoze keshi kulamikiza ni limi lienyi; keshi kulinga chipi kuli sepa lienyi; keshi kwanda luchoko ha kutwala kuli mwenyembo wenyi.

⁴ Ku meso jenyi chizazali kapwa mulelu; alioze kakulemesa waze akuvwila woma Yehova. Chipwe halishinga ha kulilinga chipi mwene, keshi kwalumuka.

⁵ Yoze keshi kuhana mbongo jenyi ha mbwezo; keshi kutambula mbongo ja kuhisa yoze keshi mulonga. Yoze wakulinga yino yuma keshi kukokoloka nilimwe tangwa. Mikatame ya David.