Miaso (Masamu) 149 - MUKANDA USANDU WA ZAMBI 1975

¹ Halisenu Yehova. Embilenu Yehova mwaso waha. Imbenu uhaliso wenyi mu chikungulwila cha asandu.

² Izalele akawahilile muli yoze wamutangile. Ana ja Zaione akawahilile muli mwanangana wo.

³ Akahalise jina henyi nikuhangana. Akamwimbile uhaliso ni kangoma ni kalialia.

⁴ Mumu Yehova kakuwahilila ni atu jenyi. Kumapemesa yimbovu ni ulamwino.

⁵ Asandu jenyi akalikwize ni ulemu. Ha mihela yo akembe mumu ha uwahililo.

⁶ Uhaliso unene kuli Zambi ukapwe mu makanwa jo, ni mikwale yikapwe mu moko jo.

⁷ Akakale milonga ha mavungu, akalambe minyachi ya atu.

⁸ Akakase mianangana jo ni malenge. Akakase atu jo alemu ni makana a utale.

⁹ Akalinge kuli ayo upatwilo uze hanausoneka. Ulemu uno asandu jenyi eswe ali nawo. Halisenu Yehova.