Miaso (Masamu) 143 - MUKANDA USANDU WA ZAMBI 1975

Samu lia David.

¹ Yehova, ivwa kama kulemba chami. Panjika ku kulembelela chami, ungukumbulule kama mu umwenemwene we ni ululi we.

² Kanda uputuka kusopesa yami kavumbi ke, mumu kumeso je niumwe mutu wa mwono masamba.

³ Mumu mukwa kole hanahungumiona mbunge yami. Hanalambe mwono wami hashi. Hanangutwamisa muma mwa milima ngwe waze hanafu kulu.

⁴ Kashika spiritu yami yinalezumuka muchima liami. Mbunge yami muchima kuyafulwa.

⁵ Nakwiwuluka matangwa a kushi. Nakupukuna ha yilinga ye yeswe. Nakuzewula yitanga ya moko je.

⁶ Nakuzoza moko jami kuli yena. Mbunge yami yinakuvwila usona ngwe pwila mu chifuchi chumu chau.(Litulike.)

⁷ Yehova, tambuka ungukumbulule mumu Spiritu yami yinalezumuka. Kanda unguswekela meso je kuchina mungwalumuka kulifwa ni waze anapalumuka ku mbongo.

⁸ Nguvwise utu wa zango lie ha chimene, mumu muli yena ngunafuliela. Ngunyingikise jila yize changutamba kwendamo, mumu nakuhetula mbunge yami kuli yena.

⁹ Yehova, ungupulule kama kuli akwa kole jami, mumu nakuchinyina kuli yena ungusweke.

¹⁰ Ungulongese kulinga upale we mumu yena uli Zambi yami. Spiritu ye mupema angusongwele mu chifuchi chize chinasalama.

¹¹ Yehova, unguhuzulule kama mumu ha jina lie. Mu ululi we Uchize mbunge yami mu lamba.

¹² Mu utu wa zango lie tetaho kama akwa kole jami. Onwona waze eswe akupinjisa mbunge yami, mumu nguli kavumbi ke. Samu lia David.