Miaso (Masamu) 142 - MUKANDA USANDU WA ZAMBI 1975

Masakile ya David, muze apwile mu chivwenge. Kulemba.

¹ Nakuteta ni liji liami kuli Yehova. Ni liji liami nakulembelela kuli Yehova.

² Kulinyenga chami nakuchizukula ku meso jenyi. Kumeso jenyi nakusolola lamba liami.

³ Muze spiritu yami yalezumukine muchima, yena wanyingikine jila yami. Mu jila yize ngunende hanguswekela kambwila.

⁴ Tala ha chindume chami, umone kukushi niumwe yoze Unangunymgika. Uchinyino nauhona. Niumwe wanyonga mwono wami, wakuhi.

⁵ Natambikile kuli yena Yehova. Nambile ngwami, Yena uli uchinyino wami kanda uli chihinga chami mu chifuchi cha akwa mwono.

⁶ Panjika kama ku muteto wami mumu hinahonga chikolo. Ungupulule kuli akwa kunguhungumiona mumu ananguhiana ni tachi.

⁷ Chiza mbunge yami ku ufunge hanga ngukasakwilile jina lie. Akwa ululi mangujingilika mumu yena kumunguyukisa wana.