Miaso (Masamu) 14 - MUKANDA USANDU WA ZAMBI 1975

¹ Chihepuke kanambe mu mbunge yenyi ngwenyi, Kukushi Zambi niumwe. Hanapiha; kakulinga yitanga ya kuzelwokesa. Kukushi niumwe yoze unalingi chipema.

² Zambi mwilu kakutala hali ana ja atu, akamone nyi kachi kwali amwe akulinga ni mana, hanji amwe akufupa Zambi.

³ Eswe hanapianguka; hanapiha. Kukushi niumwe yoze wakulinga chipema, chipwe umuwika ka.

⁴ Te kanyingikine, wano eswe akulinga uhenge, nyi? Kakulia atu jami ngwe mbolo. Keshi kusanyika ha jina lia Yehova.

⁵ Henaho apwile ni mwongo wunji! Mumu Zambi kwali hamwe ni chisemuko cha ululi.

⁶ Nwakolesele sonyi yiyulo ya akwa luyinda, alioze Yehova iye chiswamo chenyi.

⁷ Nyi kachi ulamwino wa Izalele muutuhuka mu Zaione te! Muze Zambi mahilwisa ufunge wa atu jenyi, mba A-Yakomba mawahilila; mba A-Izalele mevwa chiseke. Samu lia David.