Miaso (Masamu) 138 - MUKANDA USANDU WA ZAMBI 1975

Mwaso wa David.

¹ Mungukusakwilila ni mbunge yami yeswe. Kumeso ja mazambi mungukwimbila uhaliso.

² Munguwayila nikutalikisa ku tembele ye yisandu. Mungusakwilila jina lie mumu ha utu wa zango lie ni umwenemwene we, mumu hiwatohesa liji lie helu lia jina lie lieswe.

³ Tangwa nasanyikine kuli yena wangukumbulwile. Wangutakamishine ni tachi mu mbunge yami.

⁴ Yehova, mianangana eswe a hashi kumakakusakwilila, mumu hanevu maliji a mu kanwa lie.

⁵ Ewa, kumembila majila a Yehova, mumu ulemu wa Yehova unene.

⁶ Mumu chipwe Yehova kanangama hindu kakutala hali akwa kulikehesa. Alioze akwa kulizelula kusuku kakwasa chinyingi.

⁷ Chipwe ngunende hakachi ka lamba, yena kumukanguhuzulula. Kumukolola kwoko lia kulimika ni ufwatulo wa akwa kole jami. Kwoko lie lia chindume mulikangupulula.

⁸ Yehova kumakapwisa chingunu chize cheswe chatwala kuli yami. Yehova, utu wa zango lie wa mutolo. Kanda wehuka yitanga ya moko je. Kuli Njimba mukwa lutwe. Samu lia David.