Miaso (Masamu) 136 - MUKANDA USANDU WA ZAMBI 1975

¹ Sakwililenu yehova, mumu iye mupema; mumu utu wa zango lienyi wa mutolo.

² Sakwililenu mwe Zambi ya mazambi; mumu utu wa zango lienyi wa mutolo.

³ Sakwililenu mwe Mwene wa ene; mumu utu wa zango lienyi wa mutolo.

⁴ Kuli yoze wakulinga ukawenyi yikomokeso yinene; mumu utu wa zango lienyi wa mutolo.

⁵ Kuli yoze walingile malilu ni mana; mumu utu wa zango lienyi wa mutolo.

⁶ Kuli yoze wazazulwile hashi helu lia meya; mumu utu wa zango lienyi wa mutolo.

⁷ Kuli yoze watangile mapangu anene; mumu utu wa zango lienyi wa mutolo.

⁸ Tangwa kuyula ha mwalwa; mumu utu wa zango lienyi wa mutolo.

⁹ Kakweji ni matongonoshi kuyula ha Ufuku; mumu utu wa zango lienyi wa mutolo.

¹⁰ Kuli yoze walambile A-Engitu muli atangu jo kusemuka; mumu utu wa zango lienyi wa mutolo.

¹¹ Wachijile A-Izalele hakachi ko; mumu utu wa zango lienyi wa mutolo.

¹² Wachilingile ni kwoko lia tachi, ni kwoko lia kuzoza; mumu utu wa zango lienyi wa mutolo.

¹³ Kuli yoze wapulile Kalunga-lwiji Muchila hakachi; mumu utu wa zango lienyi wa mutolo.

¹⁴ Wapalikishile A-Izalele mukachi kamo; mumu utu wa zango lienyi wa mutolo.

¹⁵ Alioze wanungwine Falau ni chizavu chenyi mu Kalunga-lwiji Muchila; mumu utu wa zango lienyi wa mutolo.

¹⁶ Kuli yoze wasongwelele atu jenyi ndusu mu puya; mumu utu wa zango lienyi wa mutolo.

¹⁷ Kuli yoze walambile mianangana anene; mumu utu wa zango lienyi wa mutolo.

¹⁸ Washihile mianangana a lufuma; mumu utu wa zango lienyi wa mutolo.

¹⁹ Sahone mwanangana wa A-Amore; mumu utu wa zango lienyi wa mutolo.

²⁰ Ni Oge mwanangana wa Mbashane; mumu utu wa zango lienyi wa mutolo.

²¹ Wahanyine chifuchi cho chikapwe chihinga; mumu utu wa zango lienyi wa mutolo.

²² Chikapwe chihinga cha Izalele kavumbi kenyi; mumu utu wa zango lienyi wa mutolo.

²³ Yoze watwiwulukile ku ulelu wetu; mumu utu wa zango lienyi wa mutolo.

²⁴ Watupulwile kuli akwa kulimika jetu; mumu utu wa zango lienyi wa mutolo.

²⁵ Kakuhanahana kulia kuli akwa musunya eswe; mumu utu wa zango lienyi wa mutolo.

²⁶ Sakwililenu Zambi ya mwilu; mumu utu wa zango lienyi wa mutolo.