Miaso (Masamu) 13 - MUKANDA USANDU WA ZAMBI 1975

¹ Ndo mwiji muka mukanguvulama, Yehova, ndo ku miaka ya mutolo, nyi? Ndo mwiji muka mukanguswekela meso je?

² Ndo mwiji muka mungupukuna mu mbunge yami ya tò ni chinyengo tangwa ha tangwa. Ndo mwiji muka mukwa kole yami malinangamisa helu lia yami?

³ Zewula, ungwivwe Yehova Zambi yami. Pangulwisa meso jami kuchina munguya tulo twa kutwa.

⁴ Kuchina mukwa kole yami mamba ngwenyi, Hinamukumba, ni waze akulimika ni yami mawahilila muze mungukokoloka.

⁵ Alioze kunafuliela mu utu wa zango lie. Mbunge yami muyiwahilila mu ulamwino we.

⁶ Kumungwimbila Yehova, mumu hanalingi ni yami cha kulikomonona. Kuli Njimba mukwa lutwe. Samu lia David.