Miaso (Masamu) 128 - MUKANDA USANDU WA ZAMBI 1975

Mwaso wa kukanduka.

¹ Kawaha mweswawo wakuvwila woma Yehova nikwenda mu majila jenyi.

² Mumu kumukalia cha kuhondangana cha moko je. Kumukawaha, kumuchikapwa kanawa ni yena.

³ Mukwenu-pwo kumakapwa ngwe chinjinda cha uva chize chakwima mihuko muchima lia zuwo lie. Ana je kumakapwa ngwe mitondo ya olevwe ya kujingilika mesa ye.

⁴ Talenu kanawa, mumu chocho mawahisa mutu yoze wakuvwila woma Yehova.

⁵ Yehova mu Zaione makuwahisa. Kumukamona yipema ya Yerusaleme matangwa eswe a mwono we.

⁶ Ewa, chipwe ana ja ana jenu kumukaamona. Sambukila yikapwe hali Izalele.