Miaso (Masamu) 127 - MUKANDA USANDU WA ZAMBI 1975

Mwaso wa kukanduka. Wa Solomone.

¹ Nyi Yehova katungule zuwo, waze analitungu mahondangana chamokomoko. Nyi Yehova kafungile limbo, tulayi malayilila chamokomoko.

² Chamokomoko kuli yena kulaula chimenemene, nikuhwima hakachi ka ufuku, nikutambula kulia cha kukilikita, mumu chocho kakuhana tulo kuli yoze wamuzanga.

³ Ana kapwa chihinga cha kuli Yehova. Kuseseka cha mu jimo kwononona chenyi.

⁴ Ana ja ukweze kapwa ngwe mivu mu kwoko lia mutu wa ndundo.

⁵ Kawaha yoze uli ni chindalo chenyi cha tò. Keshi kwivwa sonyi muze mahanjika ni akwa kole jo mu chikolo.