Miaso (Masamu) 126 - MUKANDA USANDU WA ZAMBI 1975

Mwaso wa kukanduka.

¹ Muze Yehova ahilwishile funge a ku Zaione twapwile ngwe waze analoto.

² Hohene makanwa jetu azalile tò ni kuseha, ni malimi jetu azalile tò ni kwimba. Hohene ambile hakachi ka mavungu ngwo, Yehova hanaalingila yuma yinene.

³ Yehova hanatulingila yuma yinene, kashika tunawahilila.

⁴ Yehova, hilwisa nawa ufunge wetu, ngwe yitwetwe ya ku Sule.

⁵ Waze akukuwa ni masoji kumakacha ni uwahililo.

⁶ Yoze maya nikumbata mbuto ya kukuwa ni kulila, kumeza nawa ni uwahililo nikuneha yichita yenyi.