Miaso (Masamu) 125 - MUKANDA USANDU WA ZAMBI 1975

Mwaso wa kukanduka.

¹ Waze akufuliela Yehova kapwa ngwe mulundu wa Zaione uze kuushi kututuluka; walinduluka wa mutolo.

² Chizechene ngwe milundu yajingilika Yerusaleme, chocho Yehova kajingilika atu jenyi, chize ku tangwa lia musono ndo ku miaka ya mutolo.

³ Mumu lukanda wa ungulungulu kechi kapwa ha chihinga cha akwa ululi, kuchina akwa ululi mazoza moko jo ku uhenge.

⁴ Yehova, linga chipema kuli waze akulinga yipema, te kuli waze alulama mu mbunge.

⁵ Alioze waze akupiasuka mu majila ahenga, Yehova kumakaatuhwisa hamuwika ni akwa kulinga uhenge. Sambukila yikapwe hali Izalele.