Miaso (Masamu) 124 - MUKANDA USANDU WA ZAMBI 1975

Mwaso wa kukanduka. Wa David.

¹ Nyi kachi Yehova kapwile hamuwika ni yetu, Izalele ambe haliapwila, ngwo,

² Nyi kachi Yehova kapwile hamuwika ni yetu muze atu atukatukilile,

³ kachi hanatumina a mwono, muze ufwatulo wo wakasumukine hali yetu.

⁴ Kachi meya atuhungumwine; kachi muhwiji watupalikile ha mbunge jetu.

⁵ Kachi meya aze a kulengumuka hapalika ha mbunge jetu.

⁶ Yehova akafumane; katukunjikile ngwe yifwo ku mazo jo.

⁷ Mbunge jetu hijinasúka ngwe kajila masúka ku kambwila lia yipinda. Kambwila linafu mba yetu hitunasúka.

⁸ Kakutukwasa ni jina lia Yehova, yoze watangile lilu ni hashi.