Miaso (Masamu) 123 - MUKANDA USANDU WA ZAMBI 1975

Mwaso wa kukanduka.

¹ Kuli yena munguhetula meso jami; yena kuwatwama mu malilu.

² Ngwe meso ja akwa milimo matala ku kwoko lia mwata wo, ngwe meso ja mwana-pwo matala ku kwoko lia ndona yenyi, chocho meso jetu kanatale kuli Yehova Zambi yetu ndo matuvwila vumbi.

³ Utuvwile vumbi, Yehova, utuvwile vumbi, mumu hitwasauka liakulu.

⁴ Mbunge jetu jazala tò ni lenyo lia waze anatwama kanawa, ni kusaula cha akwa kulengumuka.