Miaso (Masamu) 12 - MUKANDA USANDU WA ZAMBI 1975

¹ Utulamwine Yehova, mumu akwa vumbi kanatepuluka. Atu amwenemwene anahu hakachi ka ana ja atu.

² Mweswe kakuhanjika yuma yamokomoko kuli mwenyembo wenyi. Kakuhanjika ni mivumbo ya kupepieka, ni mbunge jiali.

³ Yehova kumakasutula mivumbo yeswe ya kupepieka, ni limi lize lia kuhanjika yuma yinene;

⁴ Waze akwamba ngwo, Mutukumba ni malimi jetu. Mivumbo yetu ya mbala ya yetu; iya mapwa mwene wa yetu?

⁵ Yehova kanambe ngwenyi, Mumu ha lamba lia mukwa luyinda, ha mikuma ya chiswale mungukatuka haliapwila. Mungumusela homa hawape haze iye akufupa nikuhwimashana.

⁶ Maliji a Yehova maliji apema. Ngwe prata yize ya kweseka mu lutengo wa mavu, ya kupemesa yisuho shimbiali.

⁷ Yena Yehova kumukaalá; kumukaafunga chize ku chisemuko chino ndo ku miaka ya mutolo.

⁸ Yingulungulu kanapalieka sali ni sali, muze malemesa luchisa hakachi ka ana ja atu. Kuli Njimba mukwa lutwe. Samu lia David.