Miaso (Masamu) 113 - MUKANDA USANDU WA ZAMBI 1975

¹ Halisenu Yehova! Halisenu yenu tuvumbi twa Yehova! Halisenu jina lia Yehova!

² Jina lia Yehova likafumane chize ku tangwa lia musono ni ku miaka ya mutolo.

³ Chize ku kuvumbuka cha tangwa ndo ku kutoka chalio, jina lia Yehova akalihalise.

⁴ Yehova watunda helu lia mavungu eswe. Ulemu wenyi watunda helu lia malilu.

⁵ Iya walifwa ni Yehova Zambi yetu, yoze hanase chitwamo chenyi mwilu?

⁶ Yoze wakulilelesa kutala yuma ya mwilu ni hashi.

⁷ Yoze wakukatwisa chiswale mu fufuta. Yoze wakuzundula mukwa kuhona nikumuchiza ku chichilila cha uto,

⁸ akamuse hakachi ka yilolo, ewa, yilolo ja atu jenyi.

⁹ Mumba kakumupwisa mukwa kufunga zuwo, akapwe semi ya ana nikuwahilila. Halisenu Yehova!