Miaso (Masamu) 112 - MUKANDA USANDU WA ZAMBI 1975

¹ Halisenu Yehova! Kawaha yoze wakuvwila woma Yehova; yoze wakuwahilila chikolo mu shimbi jenyi.

² Munyachi wenyi kumuukapwa wa ndundo hano hashi. Chisemuko cha mukwa ululi kumakaawahisa.

³ Upite ni yikumba muyikatwama mu zuwo lienyi. Ululi wenyi muukalinduluka wa mutolo.

⁴ Kuli mukwa kululama kwakuvumbuka pangu hakachi ka milima. Iye mukwa vumbi ni keke ni ululi.

⁵ Chapwa chipema kuli yoze malinga ni vumbi nikuhana kuli akwo; kumakamuhakwila chikuma chenyi ha usopelo.

⁶ Iye kechi kakokoloka nilimwe tangwa. Mukwa ululi kumakamwiwuluka ku miaka ya mutolo.

⁷ Kechi kevwa woma wa lusango mupi. Mbunge yenyi yinajikiza nikufuliela Yehova.

⁸ Mbunge yenyi yinakolo; kechi kevwa woma ndo mamona chize anazange hali akwa kulimika nenyi.

⁹ Hanamwange; hanahana kuli akwa kuhona. Ululi wenyi kuunalinduluka wa mutolo. Mbinga yenyi kumuyikanangama mu ulemu.

¹⁰ Yingulungulu makachimona nikupihilila. Makalikopola ku mazo; makasangunuka, chize yingulungulu anazange kumuchikatoka.